Qysh para zgjedhjeve të 2009-ës, kam zhvilluar disa sondazhe për parti të reja, ku ka rezultuar se për to ka goxha përkrahje elektorale disa muaj para zgjedhjeve. Por një sëmundje kronike e tyre ka qenë rregullisht avullimi i përkrahjes muajin e fundit të fushatës, kur partitë e vjetra ndezin motorët elektoralë në terren, dhe kur mediat kryesore pasqyrojnë kryesisht aktivitete të partive të vjetra.
Po a do të ndodhë përsëri e njëjta gjë në zgjedhjet parlamentare të pranverës 2025? Ndoshta jo, sepse kësaj radhe do të kemi një risi – rreth 1.7 milionë zgjedhës jashtë vendit do të kenë mundësinë ta dërgojnë votën e tyre me postë. Dhe kështu, në zgjedhjet e 2025-ës mund të ndryshojë edhe fati i partive të reja…
Nga një sondazh që zhvillova në qershor, më rezultoi se për partitë e reja ishin gati të votonin rreth 11% e asaj pjese të elektoratit të këtushëm që e ka ndarë mendjen për të votuar qysh një vit para zgjedhjeve. Dhe kjo përkrahje e lartë paraprake e këtushme shpjegohet me faktin se partitë e reja janë shumë aktive në internet e rrjete sociale (siç kanë qenë partitë paraardhëse të tyre ndër vite). Kur qytetarë të thjeshtë anketohen shumë muaj para zgjedhjeve, ndikohen nga kritikat që partitë e reja bëjnë ndaj partive të vjetra të stërprovuara, e për rrjedhojë, thonë se do ta provojnë t’ua japin votën partive të reja.
Por kur të vijë muaji i fundit para zgjedhjeve të 2025-ës, një pjesë e mirë e këtyre përkrahësve të këtushëm të partive të reja mund të ndikohen nga fushatat në terren dhe media të partive të vjetra, e për rrjedhojë, mund të shkojnë në istikamet e tyre (siç kanë bërë në zgjedhjet paraardhëse).
Ndryshe mund të ndodhë me përkrahësit në emigracion të partive të reja. Ata do të vazhdojnë të ndikohen nga fushatat e partive të reja në internet dhe në rrjete sociale. Sa më aktive dhe kritike të jenë ato ndaj partive të vjetra, aq më i madh është probabiliteti që ta ruajnë deri në fund përkrahjen e votuesve të tyre në emigracion.
Se sa është aktualisht përkrahja elektorale në emigracion për partitë e reja ende nuk është matur. Por ndoshta së shpejti do të fillojnë edhe sondazhet për ta matur atë.
Komente
Lajme të tjera
-
Eduard Zaloshnja: 87% këtu duan të bllokohen TikTok dhe Snapchat, ndërkohë Australia po i bllokon për adoleshentët
22 Nëntor, 12:40
-
Vota e diasporës/ Ish-kreu i KQZ, Kume: Koston e postës ta paguajë KQZ! Një familje me 4 votues në Kanada i bie të paguajnë 400 dollarë për kthimin e fletës
21 Nëntor, 17:57 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
'Repolitix'/ Zaloshnja dakord me mbylljen e TikTok dhe Snapchat: U krijua nga Kina për të krijuar kaos në perëndim! Sefa: Jam për vendosjen e filtrave
20 Nëntor, 21:50 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Jozefina Topalli takime me diasporën në Nju Jork: Jeni mundësia kyçe që Shqipëria ka për të mos rrëshqitur drejt zbrazjes të parikuperueshme të vendit
20 Nëntor, 16:54 -
Eduard Zaloshnja: Rreth 800 mijë banorë të rritur me prejardhje nga familje ish-të persekutuara para një dekade, po sot?
20 Nëntor, 13:32
-
Eduard Zaloshnja: Vetëm 40.6% të kënaqur me qeverinë, por vetëm 32.4% votojnë sot për PD-në
15 Nëntor, 14:40
-
Berisha paralajmëron tjetër ‘pakt’ me PS: Gati të votojmë çdo ndërhyrje në Kod për votën e diasporës
13 Nëntor, 17:13 -
Celibashi takim me Hasanin dhe Hoxhën: Koordinim i angazhimeve për realizimin e votës së diasporës
12 Nëntor, 21:34 -
Eduard Zaloshnja: Trump etj, nuk kanë gjasa të merren me Shqipërinë, të paktën deri në maj
11 Nëntor, 13:20
-
Vota e diasporës/ PS ka 'arritur' vetëm 50 mijë emigratë! Diskutimet në grup: Janë 1.6 mln me të drejtë vote, të krijohet një database e të rritet angazhimi
11 Nëntor, 11:49
Neqoftese emigrantet shqiptare qe jetojne jashte jane formuar me kulture politike perendimore dhe e kane perjetuar shtetin e vertete aty ku jetojne e punojne atehre ata do ta kuptojne se PD PS LSI jane armiku i shqiptareve dhe e kane kthyer kete vend 100 vjet prapa!Alternativa e vetem sot per sot per votuesit shqipütare eshte Arlind Qori i cili nuk pranon kompromise me asnje nga hajdutet e tanishem dhe te kaluar!Por eshte teper e veshtire sepse Rama ka formuar nje stratagji qe nuk ndryshon aspak nga ajo e komunizmit ku te gjithe ata qe kane nga nje karrige dhe po e zhvasin mire prej 13 vitesh ja japin voten atij qe i beri dhe po i ben te pasur!
PërgjigjuMos ti mprehin kot shpresat kryetaret e partire te reja sepse tek ata ne emigrante nuk shikojme alternativa te reja , njesoj si saliu duke stare Partin Socialiste dhe qeverine .Nuk mund ti thuash parti e re Shabanit , llapajt qe eshte anetar i shabanit ,me kujtohen kur dilnin ne protesta me PD kunder qeverise .Populli di te kuptoje personale qe kerkojne nje karige per tu ulur dhe per te pasur privilegje. O zaloshnje ti duhet te qepesh ate gojen e shtrember se na çave koken , asnje nga parashikimet e tua nuk ka dale .
Përgjigju