POP 5

Lajmet më të lexuara të 5 minutave të fundit

Opinion

Eduard Zaloshnja: Sa s’votuan më 14 maj dhe pse s’votuan

Në një sondazh rigoroz në terren që dizenjova dhe drejtova, u përfshinë edhe disa pyetje rreth votimit më 14 maj. Kampioni përbëhej nga 1100 banorë të rritur, të përzgjedhur krejt rastësisht, me shpërndarje proporcionale në të gjithë territorin e vendit.

Eduard Zaloshnja: Sa s’votuan më 14 maj dhe pse s’votuan

Foto ilustruese

Në një sondazh rigoroz në terren që dizenjova dhe drejtova, u përfshinë edhe disa pyetje rreth votimit më 14 maj. Kampioni përbëhej nga 1100 banorë të rritur, të përzgjedhur krejt rastësisht, me shpërndarje proporcionale në të gjithë territorin e vendit. Kampioni u ripeshua statistikisht, që të përfaqësonte sa më mirë gjeografikisht dhe demografikisht popullsinë e rritur banuese në Shqipëri.

Nga sondazhi rezultoi se 70% e banorëve të rritur të vendit kanë votuar më 14 maj (tek të rinjtë 18-24 vjeç, kjo përqindje ishte vetëm 19%). Duke ditur që KQZ-ja regjistroi 1 milion e 400 mijë pjesëmarrës në zgjedhjet e 14 majit, mund të përllogaritet se 30% që nuk morën pjesë janë baraz me 600 mijë banorë të rritur mospjesëmarrës brenda vendit. (Meqë marzhi gabimit statistikor i sondazhit ishte plus/minus 2.7%, i bie që numri i mospjesmarrësve të ketë qenë 600 mijë plus/minus 54 mijë).

Ndër të anketuarit që nuk votuan më 14 maj, 62% deklaruan se ndjehen të papërfaqësuar nga partitë që kishin kandidatë për kryebashkiakë në garë; 19% deklaruan se e parashikonin se kush do të zgjidhej kryebashkiak në bashkinë e tyre, prandaj nuk e morën mundimin të votonin (kryesisht këta ishin tiranas dhe shkodranë); 16% deklaruan se nuk votojnë zakonisht në zgjedhjet lokale; dhe 3% nuk votuan për arsye të ndryshme jopolitike.

Ndër të anketuarit që votuan më 14 maj, 91% deklaruan se votuan për kandidatin që kishte paraqitur partia/koalicioni i tyre i preferuar dhe 9% për kandidatin që u ishte dukur më i mirë, pavarsisht siglës që përfaqësonte.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça