POP 5

Lajmet më të lexuara të 5 minutave të fundit

Bota

Egjipti u bën thirrje qytetarëve të largohen nga Sudani

Egjipti të mërkurën u bëri thirrje qytetarëve të tij që të largohen shpejt nga Sudani dhe të përmbahen nga udhëtimi drejt tij “në asnjë rrethanë”. Në një deklaratë, Ministria e Jashtme egjiptiane njoftoi evakuimin e disa studentëve egjiptianë të bllokuar në qytetin Wad Madani në shtetin Al-Jazirah në Sudan, i cili po përjeton konflikte ushtarake

Egjipti u bën thirrje qytetarëve të largohen nga Sudani

Pasagjerët që ikin nga Sudani mbërrijnë në portin tokësor Argeen, Egjipt

Egjipti të mërkurën u bëri thirrje qytetarëve të tij që të largohen shpejt nga Sudani dhe të përmbahen nga udhëtimi drejt tij “në asnjë rrethanë”.

Në një deklaratë, Ministria e Jashtme egjiptiane njoftoi evakuimin e disa studentëve egjiptianë të bllokuar në qytetin Wad Madani në shtetin Al-Jazirah në Sudan, i cili po përjeton konflikte ushtarake.

Ai vuri në dukje se Ambasada egjiptiane në Khartoum, Sudan evakuoi me sukses 18 studentë, duke përfshirë disa nga prindërit e tyre, nga qyteti i Wad Madani, raportojnë mediat e huaja.

Ministria u bëri thirrje të gjithë qytetarëve në Sudan, përfshirë ata në zonat që nuk janë prekur nga konfliktet e armatosura, të largohen shpejt nga Sudani, duke këshilluar kundër çdo udhëtimi në Sudan për momentin.

Që nga mesi i prillit, ushtria e udhëhequr nga Abdel Fattah al-Burhan dhe Forcat e Mbështetjes së Shpejtë të udhëhequra nga Mohamed Hamdan Dagalo (Hemedti) janë përfshirë në një luftë që ka rezultuar në më shumë se 12 mijë vdekje dhe mbi 6 milionë të zhvendosur dhe refugjatë, sipas në Kombet e Bashkuara.

Mbrëmjen e së enjtes së kaluar, al-Burhan u zotua të “mbajë përgjegjës ata që nuk kryejnë detyrat e tyre” pas njoftimit më 18 dhjetor nga Forcat e Mbështetjes së Shpejtë të kontrollit të tyre mbi qytetin Wad Madani pas katër ditësh beteje me ushtrinë.

Më 19 dhjetor, ushtria sudaneze njoftoi tërheqjen e forcave të saj nga qyteti dhe nisi një hetim për arsyet dhe rrethanat e tërheqjes nga pozicionet e tyre.

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03