Egjipt-Uruguai, Mohamed Salah do të jetë në fushë

Egjipt-Uruguai, Mohamed Salah do të jetë në fushë

Mohamed Salah

Egjipti “merr frymë” Mohamed Salah do të jetë në fushë kundër Uruguajit. Salah ka zhvilluar një sezon të jashtëzakonshëm me Liverpool dhe tani ai është kthyer edhe në një hero kombëtar. Pesë golat e shënuar nga sulmuesi në gjashtë ndeshjet kualifikuese të Kupës së Botës, e kanë ndihmuar Egjiptin të sigurojë një vend në Kupën e Botës, për herë të parë në pothuajse 30 vite.

Salah ishte në dyshim për ndeshjen hapëse pas dëmtimit të pësuar në finalen e Champions League të luajtur dhe humbur kundër Real Madrid, por tajneri Hector Cuper ka konfirmuar se ylli i ekipit do të luajë kundër Uruguajit. “Është pothuajse në 100% të formës dhe do të luajë”, kanë qenë fjalët e trajnerit argjentinas para ndeshjes. Uruguaji, nga ana tjetër, do të paraqitet në këtë ndeshje pas një fitore bindëse 3-0 të marrë kundër Uzbekistanit dhe duke mos pësuar gol në tre takimet e fundit. Soliditeti i tyre në mbrojtje nuk është një surprizë, duke parë se ata kanë në përbërje dyshen e Atletico Madrid, Diego Godin dhe Jose Gimenez.

Amerikanojugorët me dyshen e frikshme Cavani-Suarez kanë një sulm për t’u pasur zili. Sulmuesi i Barcelona-s është i preferuari i uruguaianëve, por Cavani ka qenë ylli i kombëtares në kohët e fundit. Ai ka qenë golashënuesi më i mirë në kualifikueset e grupit të Amerikës së Jugut, me 10 gola në 18 ndeshje. Forma e tij e mirë ka vazhduar edhe në ndeshjet e fundit, me tre gola të shënuar në katër ndeshjet e luajtura me Uruguain.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?



×

Lajmi i fundit

‘Askush mos kaloj vijën e bardhë! Merrem unë me ta’, momenti kur drejtori i policisë së Korçës përplaset me fermerët protestues në Maliq

‘Askush mos kaloj vijën e bardhë! Merrem unë me ta’, momenti kur drejtori i policisë së Korçës përplaset me fermerët protestues në Maliq