Egnatia - Partizani rinis ku u ndal, kalendari i Superligës deri në fundin e vitit

Federata Shqiptare e Futbollit ka zbardhur kalendarin e Superligës nga java e 13-të e deri në javën e 18-të. Ndeshjet e javës së 13-të të kampionatit do të luhen të ndara në dy ditë, konkretisht në datat 23 dhe 24 nëntor, duke nisur me sfidën Egnatia – Partizani, që u ndërpre të shtunën e 11 nëntorit për shkak të ndarjes nga jeta të futbollistit të Egnatia-s, Raphael Dwamena. 

Ndeshja që u ndërpre në minutën e 24-t, do të vazhdojë pikërisht aty ku u la dhe kjo javë e 13-të do të ulë siparin me dy ndeshjet Vllaznia – Laçi dhe Skënderbeu – Teuta që do të luhen në të njëjtin orar, 17:00 më 24 nëntor.

Ndeshjet e javës së 14-të do të luhen të ndara në dy ditë në datat 27 dhe 28 nëntor, duke nisur me sfidën Erzeni – Tirana, më 27 nëntor në ora 13:30 dhe duke ulur siparin me ndeshjen Teuta – Vllaznia më 28 nëntor në ora 16:00.

Është përcaktuar edhe dita dhe ora se kur do të zhvillohet ndeshja e prapambetur mes Partizanit dhe Teutës. Takimi do të luhet më datë 7 dhjetor në orën 17:00.

Kalendari i Superligës:

S.DH/Shqiptarja.com

TAG:
• superliga
• fshf