POP 5

Lajmet më të lexuara të 5 minutave të fundit

Sport

Egnatia sot për historinë në Champions League! Kundër ka racizmin serb, Edlir Tetova: Shpresoj mos ndikohemi nga mungesat

Këtë të mërkurë në orën 21:00 në "Elbasan Arena" Egnatia kampione në fuqi e Shqipërisë luan ndeshjen e kthimit kundër Borac Banja të Bosnjë dhe Hercegovinës.

Egnatia sot për historinë në Champions League! Kundër ka racizmin serb, Edlir Tetova: Shpresoj mos ndikohemi nga mungesat

Skuadra e Egnatias

Këtë të mërkurë në orën 21:00 në "Elbasan Arena" Egnatia kampione në fuqi e Shqipërisë luan ndeshjen e kthimit kundër Borac Banja të Bosnjë dhe Hercegovinës, sfidë e vlefshme për raundin e parë kualifikues në Champions League.

Një javë më parë në Bosnjë kampionët e Shqipërisë humbën 1-0 me një gol në shtesë, teksa ndeshja u ndërpre për më shumë se dhjetë minuta pasi ekipi i Borac është tërësisht serb. Kundër lojtarëve tanë u hodhën ofendime dhe racizmi mbretëroi në stadium, teksa rrogozhinasit kishin kundër edhe arbitrin polak Stefanski, që iu dha dy kartona të kuq.

Sot trajneri Edlir Tetova nuk do ketë të gatshëm mbrojtësin Edison Ndreca dhe mesfushorin Arbin Zejnullai. Në Elbasan pritet që tifozët të jenë të shumtë në mbështetje të Egnatias, kjo për të thyer edhe racizmin serb, duke dhënë një shembull qytetarie. Kujtojmë që për Egnatian kjo është hera e parë që merr pjesë në këtë kompeticion.

Trajneri Edlir Tetova në konferencën për shtyp tha se gjendja e ekipit është e mirë.

“Gjendja është shumë e mirë, lojtarët kanë treguar një mobilizim shumë të mirë gjatë gjithë javës. Edhe në aspektin fizik çdo gjë është në rregull. Normalisht janë tre mungesa, ndikojnë, por kam besim edhe te lojtarët e tjerë, çdo gjë do jetë gati. Mbështetja na jep shtysë, na jep doza të mira për ndeshjen. Çdo tifoz besoj e ndjen, është Champions League.

A është kjo ndeshje një sfidë personale e Tetovës? Nuk mendoj se është sfidë personale”, tha trajneri rrogozhinas.

Kapiteni Renato Malota foli për moralin e ekipit në këtë takim.

“Morali është shumë i lartë, ka vetëm pozitivitet në grup, në ekip. Ne kemi nevojë për tifozët tanë, të vijnë të na mbështesin, sepse dihet rëndësia e kësaj ndeshja”, tha kapiteni.

UEFA ka marrë masa dhe për gjykimin në "Elbasan Arena" i ka besuar italianit Maresca. 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Norvegji, autobusi me 60 pasagjerë del nga rruga dhe përfundon në liqen! 3 të vdekur

Norvegji, autobusi me 60 pasagjerë del nga rruga dhe përfundon në liqen! 3 të vdekur

26 Dhjetor, 16:28