Egnatia zyrtarisht në Superligë, kapiteni: Kemi një projekt shume ambicioz! Dinamo sheh dritë në fund të tunelit

Egnatia është skuadra e parë e cila ka siguaruar matematikisht ngjitjen në Superligë sezonin e ardhshëm. Klubi nga Rrogozhina falë fitores 1-0 kundër Besës ka shkuar 9 pikë më shumë se Tomorri i vendit të dytë në grupin B të Kategorisë së Parë kur kanë mbetur edhe 2 javë kampionat. Për Egnatian kjo do jetë hera e dytë në elitën e futbollit shqiptar, ndërsa për herë të parë ka luajtur në sezonin 2005-2005, 16 vite më parë.

‘Ndihem i lumtur dhe i kënaqur në këtë skuadër sepse është një projekt shumë serioz. E kemi filluar sezonin shumë pretendent, jemi ndërtuar për superiore dhe deri më tani çdo gjë ka shkuar shumë mirë. Këtu po punohet edhe për ndërtimin e stadiumit e ri dhe ky është një motiv për lojtarët,’-shprehet Ndriçim Shtubina, kapiteni i skuadrës së Egnatias.

Ndërkohë një hap larg rikthimit në Superligë është edhe Dinamo, që për herë të fundit në elitë ka qenë në sezonin 2011-2012. ‘Nëndetësja’ në fundjavë mposhti 1-0 Korobain me golin e Kolgegës.

Aktualisht skuadra e drejtuar nga Sokol Uka është 4 pikë më shumë se Bureli i vendit të dytë, ndërsa kanë mbetur edhe dy javë kampionat. Dinamo mund t’i mbyllë llogaritë që ndeshjen e ardhshme, pasi përballet me Vorën, një skuadër pa pretendime në ‘play-of’, ndërsa Burreli i vendit të dytë përballet me Korabin.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ndërron jetë në moshën 82 vjeçare ish-senatori Joe Lieberman

Ndërron jetë në moshën 82 vjeçare ish-senatori Joe Lieberman