Ekonomi: Dua të them fort, fort, se Rama është një dëgjues shumë i mirë! Vlerëson ministrat 'teknik' dhe tregon pse u hoqën para zgjedhjeve

Ministrja e Bujqësisë Milva Ekonomi gjatë një inteviste për emisionin "Repolitix" në Report TV ka folur për prioritetet që do të ketë si ministre e brendshme.

Ndërsa është pyetur nëse do të dalë kundër Edi Ramës nëqoftëse do të mendojë se ai nuk ka të drejtë, Ekonomi ka thënë se një gjë që do të theksojë është se kryeministri është një dëgjues shumë i mirë.

"Dua të them  fort fort fort se Zoti Rama është një dëgjues shumë i mirë. Ne kur dëgjojmë një ngjarje duhet të kuptojmë kush është thelbi i ngjarjes. Është një nga njerëzit e rrallë, kjo do të thotë se na dëgjon të gjithëve. Nëse kam qenë në këtë grup politik  sa herë që kam menduar se ka gjëra që duhen thënë ndryshe duhet tja prezantosh", tha ajo.

LEXO EDHE:
Kryeministri spanjoll mendon dorëheqjen ndërsa bashkëshortja akuzohet për korrupsion, Rama: Mos u dorëzo, e vërteta do mbizotërojë

Teksa ka vlerësuar të larguarit, Ekonomi tha se një vendim i tillë nga Rama për të "hequr" ministrat "teknik" dhe për të emëruar ata politik përpara zgjedhjeve, është marrë me qëllim për t'u bërë gati për në zgjedhjet e 25 prillit, në mënyrë që ministrat të jenë pranë elektoratit.

"Sdo ta them se dështuan ministrat  teknikë se të gjithë ata kanë dhënë një kontribut në sektorin ku ka qenë. Tani po bëhemi gati për ta pasur një skuadër drejt zgjedhjeve të ardhshme. Duke ardhur si minstra politikë marrin pjesë në betejë që të përfaqësojnë elektoratin. Një figurë ministri do ta ndajmë në 3 shtylla. Ka aftësi përgjithësuese për fushën. Unë e mendoj si një gjë normale për të aktivizuar gjithë sinergjinë për të shkuar drejt zgjedhjeve.

Duke qenë se kam qenë te  komisioni i mediave dhe mua më është dukur një kontribut teknik i vlerësueshëm që vinte si  rezultat i punës që ka bërë Nikolla. Ajo vazhdimisht ka thënë se unë po vazhdoj punën e paraardhëses. Kushi drejton nga pikëpamja partiake Elbasanin. Ka qenë në mësim dhënie dhe teknikën e punës e njeh mirë. Edhe me zotin Lleshaj ndodhi vazhdimësia e asaj që duhet të vinte që ne duhet të bëjmë një polici për komunitetin", shtoi ajo.

Lajmi kryesor:

Ekonomi zbulon në ‘Repolitix’ si mori vesh lajmin që u propozua për ministre Bujqësie: Surprizë, por jo e papritur! Rindërtimi mbyllet në 2023

TAG:
• edi rama
• Ministria e bujqësisë
• repolitix
• milva ekonomi
• rindertimi
• Fushate elektorale
• zgjedhjet parlamentare 2021