POP 5

Lajmet më të lexuara të 5 minutave të fundit

Sport

EKSKLUZIVE/ Ish-kampioni i botës në mundje Elis Guri rrëfehet nga arratia: Nuk mund të vij në Shqipëri, më dënuan për një telefonatë! Ja pengu im

Ish-kampioni i botës në mundje Elis Guri në një rrëfim ekskluziv për Report TV flet për herë të parë që pas dënimit nga drejtësia shqiptare në 2020. Ai thotë se nuk mund të vijë në Shqipëri pasi menjëherë do arrestohet. Ndërkohë, vijon punën si trajner i ekipit kombëtar të Bullgarisë.

Prej tetorit të 2020 dihet shumë pak për Elis Gurin, ish-mundësin shqiptar që u shpall kampion bote në 2011 duke përfaqësuar Bullgarinë. Ai u largua nga Shqipëria për kushtet e vështira në sportin shqiptar, ndërsa në një intervistë për Report TV zbulon se aktualisht është trajneri i ekipit kombëtar të Bullgarisë.

“Isha pak skeptik në fillim, por me kalimin e kohës, duke parë që erdhën shpejt rezultate pozitive, me kampion bote dhe europe u ndjeva mirë,”-u shpreh Elis Guri, ish-kampion bote në mundje.

Prej gati katër vitesh Elis Guri nuk mund të kthehet më në Shqipëri, ku është dënuar me 4 vite e 8 muaj burg, për trafik narkotikësh.

“Një akuzë shumë ofenduese që erdhi nuk e di pse, nga kush. Më kanë dënuar se kam folur në telefon, por ky ligj nuk është në Shqipëri. Kam pas dëshirë të jetoj në Shqipëri, por Shqipëria nuk më don mua. Më saktë disa njerëz të cilët nuk e kuptoj se ku i kam prishur punë për të mos vendos këtë lloj akuze. Në fillim mendova se më kanë ngatërruar me dikë tjetër. Më pengon për të ardhur në Shqipëri. Me taku nënën babin, shokët, dashamirësit. Më pengon djalin për ti treguar Shqipërinë,”-tha Elis Guri, ish-kampion bote në mundje.

Në intervistën e parë në 5 vitet e fundit Guri tregon se nëse vjen në Shqipëri atëherë do arrestohet, pasi dënimi është ende i pakryer.

“Kur u dha dënimi unë isha në Bullgari. Bullgaria që më shpëton për herë të dytë. Një vend i huaj dhe për mua është e çuditshme,”-deklaroi Elis Guri, ish-kampion bote në mundje.

Pavarësisht problemeve me ligjin, Shqipëria ka mbetur në zemrën e Elis Gurit. Ai thotë se atë medalje botërori me Bullgarinë është gati ta ndërrojë me Shqipërinë.

“Që i vogël kam menduar ta çoj flamurin shqiptar në arenën botërore, por ashtu erdhi jeta, kushtet. Më ka mbetur peng faktikisht që nuk e ngrita me flamurin shqiptar. Nuk ikan ga shqiptarët, por nga kushtet që ofrojnë drejtuesit e sportit. Kjo për të treguar se në shqiptarët vlejmë. Na jepni mundësi, vetëm na jepni mundësi ..,”-u shpreh Elis Guri, ish-kampion bote në mundje.

Në fund ish-mundësi tregoi se ka mbetur në kontakt të vazhdueshëm me drejtuesit e sportit në Shqipëri, por thotë se pavarësisht se kanë kaluar shumë vite që nga ikja e tij situata ka mbetur tepër e vështirë.

 

 

VIDEO- Intervista e plote 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Armand: 13/03/2023 20:11

    Per mu je nje zotni djal dhe rrjedh nge nje familje teper e mir.por keto njerez nuk i dojn ne shqipni.zotni te preshendes e ishalla don zoti e gjen nje zgjedhje.se e meriton ma te miren

    Përgjigju
  • Derguti: 13/03/2023 16:38

    O drogaxhi Tan kohen ke nejt te lokali M kalas tu pi mall e tu shit megjith melidorin . Te njofim mir te kena pa perdit

    Përgjigju
  • XXX: 13/03/2023 14:34

    Te gjith burgaxhinjte po ti pyesesh jan të pafajshem, ose i kan inat ose i kan ngateruar ose jua kan fut gabimisht.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Zbulohen profecitë e Baba Vangës për vitin 2025: Alienët me apokalips, ilaçi kundër kancerit dhe nanoteknologjia! Çfarë u realizuan dhe çfarë jo më 2024

Zbulohen profecitë e Baba Vangës për vitin 2025: Alienët me apokalips, ilaçi kundër kancerit dhe nanoteknologjia! Çfarë u realizuan dhe çfarë jo më 2024

25 Dhjetor, 17:38