Ekskluzive/ Lejuan mbjelljen e 3 mijë rrënjëve kanabis për 50 mijë €?! Në hetim zyrtarët e lartë të policisë Librazhd e Elbasan

Disa drejtues të Policisë në Librazhd dhe Elbasan janë vënë nën hetim pasi akuzohen se kanë neglizhuar dhe shpërdoruar detyrën duke lejuar kultivimin e 3 mijë rrënjëve kanabis në fshatin Ostren të Librazhdit.

Bedri Hasanaj, shef i komisariatit në Librazhd,  Armand Koni shefi i Krimeve dhe një numër i madh drejtuesish në komisariatin e policisë Librazhd dhe Drejtorinë e Policisë së Elbasanit prej disa javësh janë vënë nën hetim nga Shërbimi i Çështjeve të Brendshme dhe Ankesave dhe dosja është dërguar për hetim në prokurorinë e Elbasanit.

Sipas burimeve për Report Tv, në dosje ka dëshmi që rëndojnë pozitën e zyrtarëve të lartë të policisë në Librazhd, madje dhe se personat që janë të pa identifikuar që kanë mbjellë lëndën narkotike kanë paguar 50 mijë euro tek zyrtarët, ky mbetet ende një informacion paraprak pasi prokuroria po punon për mbledhjen e sa më shumë provave në lidhje me këtë skandal.

Ajo çfarë është e dyshimtë është se komisari i zonës ku ka qenë mbjellë kanabis pak se të evidentoheshin 3 mijë rrënjët me kanabis është hequr nga ajo zonë dhe aty është emëruar një komisar tjetër që vinte nga Elbasani dhe që nuk kishte njohuri të mjaftueshme për terrenin e thellë malore ku ishte mbjellur lënda narkotike.

Shefi i Komisariatit të Librazhdit, Bedri Hasanaj

TAG:
• Elbasan
• kanabis
• librazhd
• hetim
• ostren