POP 5

Lajmet më të lexuara të 5 minutave të fundit

Kronikë

Ekskluzive/ Lista e papublikuar e OFL: Nga Hoxhallari te vëllezërit Jahelezi, Shanaj i Fierit e Fatmir Kajolli

Zbardhen emrat e tjerë të listës ende të pa publikuar nga OFL-ja për verifikimin e pasurisë. Gëzim Çela dhe Astrit Bushi nga Laçi, Arben Gropa i Fierit si dhe Shkëlqim Kurpalaj, në sitë të operacionit “Forca e Ligjit”.

TIRANË - Zbulohen emra të tjerë që janë në listën e Operacionit “Forca e Ligjit” dhe që ende nuk janë bërë publikë nga Policia e Shtetit. Megjithëse tashmë verifikimet pasurore për ta kanë nisur dhe policia i ka kërkuar të justifikojnë pronat që ata disponojnë, asnjëherë policia nuk ka folur publikisht për këto emra se kush janë, bacgraundin kriminal që ata mbartin dhe çfarë përfaqësojnë.

Burime policore thanë për “Shqiptarja.com” se njëri prej këtyre personazheve që ka marrë kërkesën për të justifikuar pasurinë është Aurel ose Altin Hoxhallari. Ky i fundit është person i shpallur në kërkim për vrasjen e Devi Kasmit. Hoxhallari, po gjykohet në mungesë në prokurorinë e Posaçme SPAK, për akuzën e “Vrasjes me paramendim", kryer në bashkëpunim, në formën e grupit të strukturuar kriminal, "Mbajtja pa leje, prodhimi i armëve, shpërthyese dhe municionit". Aurel Hoxhallari, besohet se është njëri nga individët, që ka kontraktuar vrasësin grek me pagesë, Efthymious Efthymiou, për të ekzekutuar Devi Kasmin. Vrasja ka motiv prishjen e pazareve të drogës. Altin Hoxhallari, dyshohet si i përfshirë në trafikun e heroinës dhe kokainës.

Ndërkohë në listën e policisë janë dhe dy personazhe nga zona e Laçit, më konkretisht Gëzim Çela ose i njohur ndryshe si “Baroni i drogës”, i dënuar në 2018 për trafik heroine me 10 vite burg. Në këtë vendim Çela është dënuar së bashku me Arif Çela, Viktor Lekgegaj, Fran Merdhoci dhe Alfred Mikeli. Çela vijon të jetë në kërkim, ndërkohë besohet se fshihet në zonën e Laçit.

 Emri i tjetër që tashmë është bërë subjekt i verifikimit të pasurisë nga OFL është Astrit Bushi, ku mësohet se është dënuar në Itali dhe Spanjë për pengmarrje dhe grabitje me armë.

Një tjetër emër që ndodhet në listë është ai i Arjan Shanaj, biznesmenit nga Fieri i arrestuar dhe dënuar në Greqi për trafik kokaine.

Po kështu lista e gjatë e OFL-së shtrihet dhe tek një emër tjetër nga Fieri, siç është Arben Gropa ose Vangjel Zijaj, pronar i resortit “Pelikani” në Fier, i dënuar në Itali me 32 vite burgim për trafik droge.

Larg syrit dhe listës së OFL-së nuk ka shpëtuar dhe një personazh tjetër dhe i lidhur ngushtë me politikën siç është, Fatmir Kajolli, i dënuar në Itali me 22 vite burgim, për trafik droge. Megjithëse Kajolli, ka arritur të rrëzojë ekstradimin e tij në Itali dhe të çlirojë me vendim gjykate pasuritë e tij të  sekuestruara, sërish ato tashmë janë vënë në lupën e oficerëve të OFL-së.

Po kështu në listën shumë emërore janë dhe disa personazhe të tjerë të familjes Jahelezi, të cilët janë të përfshirë në trafikun e heroinës ndërsa disa prej tyre janë pjesë e skemës së pastrimit të parave. Mes emrave që “Shqiptarja.com” ka mundur të sigurojë janë 6 persona, vëllezër me njëri-tjetrin si Enio Jahelezi. Orges Jahelezi i hetuar për heroinën e kapur në Has, Gramoz Jahelezi, i hetuar për dy atentate në dëm të viktimës Flamur Toska, Elvis ose Franc Jahelezi, vëllai i tij Xhevdet Jahelezi, dhe vëllai tjetër Luan Jahelezi.

Gjithashtu skanimit nga operacioni “Forca e Ligjit” nuk i ka shpëtuar dhe një emër tjetër i botës së krimit. Ai është Shkëlqim Kurpalaj nga Kukësi, i dënuar në Itali me 10 vite burgim për shfrytëzim prostitucioni dhe i shpallur në kërkim nga Interpol Roma dhe i arrestuar në vitin 2016 nga policia e Tiranës.

1300 persona në total dyshohet të jenë emrat që do të vihen në sitën e OFL-së si objekt i aktit normativ Anti-KÇK, u zbulua ekzkluzivisht në emisionin "Repolix" në Report Tv.

B.K./G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • corrleone: 20/02/2020 22:03

    po Lul Elezi Cinko kavallin dhe amsterdamin me shit kokain e mban. ku 8 nxjerrr ai kllab plot me barrbona leket me pagur artistet

    Përgjigju
  • Drejtesia: 20/02/2020 09:24

    2 Marsi po vjen gjej strofull e Edi Legeeen

    Përgjigju
  • OFLJA e Lleshit: 20/02/2020 09:23

    Te Shkojne ne Surrel se BLA BLA degjuam boll

    Përgjigju
  • OFL: 20/02/2020 01:38

    Po me vellain dhe burrin e ish deputetets se vlores Nadire Xheferri Mecorapaj do merret OFL qe jane denuar per droge e leket e pista i kane investu ne ndertim

    Përgjigju
  • Populli: 19/02/2020 23:40

    Flo Ofl si quheni po me popullin do kapeni ?? Shikoni politikant ato mafiozet me stilolps jo popullin

    Përgjigju
  • Populli: 19/02/2020 22:09

    OFL Ja mos te merret me peshqit e vegjel por te filloje nga Ilir Meta dhe te gjithe politikanet e tjere ,sa per protesten qe do therrase Ilir Meta ky duhet te arrestohet menjehere ,prokurori I pergjithshem duhet urgjent te nxjerri urdhrin e arrestit per shkelje te kushtetutes ,te njejte urdher arrestit te nxirret edhe per Tedin Blushi,Kete Kete jua kerkon me urgjence Populli

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46