POP 5

Lajmet më të lexuara të 5 minutave të fundit

Kronikë

Lejuan Gëzim Çelën të ndërtojë pa leje, drejtori i IMT Kurbin mbetet në burg! Gjykata lë në fuqi pezullimin e inspektorëve

Drejtori i Inspektoratit Vendor të Mbrojtjes së Territorit Kurbin, Jetmir Mzhika dhe ish-drejtorin e Inspektoriatit të Territorit në Lezhë, Flori Gjini, do të qëndrojnë përkatësisht në “arrest në burg” dhe “arrest shtëpi”, duke lënë të pandryshuar masën ndaj tyre. Të dy lejuan “baronin e drogës” Gëzim Çela të ndërtoj pa leje në zonën e mbrojtur të Lagunës së Patokut.

LEZHË- Një i moshuar që po hetohej për shtesë pa leje, i dha indicien kryesore Prokurorisë së Lezhës për zbulimin e skandalit të ndërtimit pa leje nga “baroni i drogës” Gëzim Çela në zonën e mbrojtur të Lagunës së Patokut. Në dëshmi, burri i moshuar deklaroi se godina e tij me shtesë pa leje ishte e papërfillshme krahasuar me atë ç’ka po ndodhte në lagunën e Patokut dhe e kishte fjalën pikërisht për godinën në pronësi të “baronit”, i cili rezulton të mos jetë vetëm i drogës, por edhe “baron i Patokut”.

Gjykata e Lezhës la në fuqi masat “arrest në burg” për drejtorin e Inspektoratit Vendor të Mbrojtjes së Territorit në bashkinë Kurbin, Jetmir Mzhika dhe ish-drejtorin e Inspektoriatit të Territorit në Lezhë, aktualisht drejtor i Filialit të Postës, Flori Gjini. Po ashtu, togat e zeza pranuan kërkesën e prokurorit Sabri Kastrati për të lënë në fuqi edhe pezullimin nga detyra të 3 inspektorëve. Masa ndaj të dyve u dha pas një hetimi 6 mujor të bërë nga akuza e Lezhës, nga ku rezultoi se zyrtarët lejuan ndërtimin e një objekti në pronësi të Gëzim Çelës.

Bëhet fjalë për një ndërtesë ngjitur me kompleksin “Royal Blu”, në pronësi të ish-policit që u bë krah me krimin, e cila pas hetimeve të prokurorisë rezultoi se ishte ngritur pa leje, tashmë e vendosur në sekuestro preventive. Ndërtimi biznes, së bashku me “Royal Blu”, i vendosur më herët nën sekuestro nga SPAK, ndodhet në zonë të mbrojtur te Laguna e Patokut dhe është ndërtuar nga Çela, edhe pse kompania është në emrin e kushëririt të tij, Fatjon Frangaj.

Kompleksi turistik i Gëzim Çelës në rrugën kryesore të Patokut duhej të kishte sjellë reagimin e Inspektoratit Vendor të Mbrojtjes së Territorit në Kurbin, por asnjë inspektor nuk ka bërë kontrolle në territor. Ndaj me kërkesë të prokurorisë, Gjykata e Lezhës caktoi fillimisht në mungesë masat ndaj 2 zyrtarëve, të cilat u rikonfirmuan sërish këtë të mërkurë, 1 maj.

5 masat e sigurisë që janë ekzekutuar
- Jetmir Muzhika, drejtor i IMT, bashkia Kurbin- “Arrest në burg”
-Flori Gjini, ish-kryeinspektor i IKMT Lezhë- “Arrest në shtëpi”
-Rivelioni Ismalaj, inspektor i IMT, bashkia Kurbin- Pezullimi i ushtrimit të një detyre a shërbimi publik
-Shan Preci, inspektor i IMT, bashkia Kurbin- Pezullimi i ushtrimit të një detyre a shërbimi publik
-Artur Përdoda, inspektor i IMT, bashkia Kurbin- Pezullimi i ushtrimit të një detyre a shërbimi publik

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41