POP 5

Lajmet më të lexuara të 5 minutave të fundit

Kronikë

Mashtruesi që hiqej si Edi Rama dhe Gregu, futi në grackë 3 biznesmenë dhe i mori 500 mijë € /SKEMA

Ekskluzive/ Zbardhet dosja/Si Klodian Ciruna premtonte të nxirrte leje ndërtimi, duke përdorur emrin e kryeministrit Edi Rama e djalit të tij. I thotehste se leket shkonin per kryeministrin dhe Gregorin, djalin e tij, dhe per ta konfirmuar i çonte mesazhe biznesmeneve si te ishte Edi Rama dhe djali i tij. Dy zyrtaret ne bashkine e Tiranes qe i kerkuan te beje kallezim ne Prokurorine e Tiranes

Klodian Ciruna, një person që herë hiqej si prokuror herë si gjyqtar dhe me dike tjetër prezantohej si djali i kryeministrit, dhe herë si vetë kryeministri Edi Rama, është marë i pandehur nga prokuroria e Tiranës, për akuzën e “Mashtrimit me shumë se një herë” dhe në ditët në vijim Ciruna do përballet me akuzat në gjykatë. Sipas hetimeve të kryera Ciruna rezulton të ketë mashtruar tre biznesmenë, mes tyre dhe një Italian duke u marë atyre në total një shumë prej 488.300 mijë euro.

Klodian Ciruna, i cili rezulton pranar i një qëndre “Call Centeri” në Tiranë, sipas dosjes së prokurorisë ka mundur të mashtrojë italianin Tommaso Sciavon, biznesmenin Luan Duraj dhe ndërtuesin Petraq Koka. “Shqiptarja.com” mëson se Ciruna gjatë takimeve me tre personat e sipërcituar prezantohej si prokuror apo si gjyqtar. Ndërkohë që këtyre të fundit u thoshte se kishte lidhje të ngushta me djalin e kryeministrit Edi Rama, Gregor Ramën madje dhe vetë kryeministrin Rama.

Duke shfrytëzuar këto teknika të mashtrimit, Klodian Ciruna, arrinte t'i bindte viktimat e tij duke u marrë shuma të konsiderueshme në euro, të cilët i jepnin me shpresën se Ciruna do i mundësonte leje ndërtimi nga bashkia e Tiranës. Madje për të bindur se këto para shkonin për djalin e kryeministrit apo vetë kryeministrin Rama, Ciruna arrinte të telefononte viktimat me numra të ndryshëm, duke u hequr se ishte Edi Rama apo Gregor Rama. I pari që ka rënë në grepin e mashtrimeve të Cirunës, është një biznesmen nga Italia, i quajtur Tommaso Sciavo.

Ky i fundit mësohet se ka një biznes privat për tregtimin e peliçeve dhe xhaketave të lëkurës në zonën e “ish-bllokut” në Tiranë. Italiani është njohur me Klodian Cirunën, i cili sipas tij i është prezantuar si prokuror dhe Ciruna së bashku me disa të afërm të tij e kanë mashtruar duke i thënë të blinte një banesë në shumën prej 30 mijë e 300 euro. Italiani ka paguar këto para, por në fakt nuk është bërë ende dhe sot pronar i kësaj shtëpie.

Njëherësh Ciruna ende nuk ja ka kthyer eurot e marra. Pas këtij mashtrimi Klodian Ciruna piketon viktimën e rradhës ku këtë herë është ndërtuesi Petraq Koka, i cili qysh prej vitit 2003 ka lidhur një kontratë sipërmarje për ndërtim pallati me familjet Muça, Pasmaçi, Shkëmbi, Bodinaku dhe Mjedi. Nga 2003 deri në 2012 Koka ka bërë disa herë tentativa për nxjerrjen e lejës ndërtimore në bashkinë e Tiranës, por të gjitha përpjekjet kanë qënë pa rezultat, pasi territori ku do ndërtohej objekti llogaritej si zonë e gjelbërt.

Sipas tij me shpresën e nxjerrjes së lejës së ndërtimi ai ka zhvilluar një takim me një ndërtues të njohur në Tiranë Fatmir Hoxha, i cili i ka thënë se për të marë lejën në bashki duhet të paguash 180 mijë euro dhe njëherësh e ka prezantuar me Klodian Cirunën. Gjithmonë sipas dëshmisë së ndërtuesit Cirunës fillimisht i ka dhënë shumën prej 100 mijë euro, i cili i ka pohuar se këtë shumë do ia çonte të madhit. “Në total këtij personi i kam dhënë 225 mijë e 500 euro dhe isha në pritje vetëm të daljes së lejës ndrtimore. Por kur leja po vonohej unë kam filluar sms-të me të gjithë numrat që disponoja që më ishin prezantuar si personat që do më zgjidhnin punë”-thotë Petraq Koka. Më tej ky i fundit nënvizon se në tetor 2017 i ka shkuar një sms nga numri 06984XXX, i cili është prezantuar si Gregur Rama, si djali i kryeministrit.

Duke besuar se qënka dhe ky personazh në mes për punën e lejës time kam krijuar një besim në vetvete duke thënë se po mbaroj punë. Por përsëri nga ky numër kam marë shumë premtime për rikonstruksionin e pallatit të konkreseve, rrugën e Qeparoit, por duhet që unë të bëja ndonjë pagesë tjetër. Por duke qënë se kisha marë vetëm premtime dhe asnjë gjë nuk ishte bërë për sa i përket punës që kërkoja të mbaroja, kam filluar ti kërkoj lekët mbrapsht si Klodian Cirunës por edhe personit që më prezantohej si Gregor Rama.

Ndërsa në dhjetor të 2017 në telefon më ka ardhur një mesazh me fjalë fyese duke më thënë se më kërcënon djalin tim, dhe se në fund të mesazhit ishte shkruar “…unë jam Edi Rama…”.Këto kërcënime kanë vijuar deri në janar 2018, me numra të ndryshëm. Ndërsa në datën 26 maj 2018 kam vendosur ti shkruaj kryeministrit Edi Rama,duke e vënë në dijeni se çfarë ka ndodhur, duke i pohuar se kishte rënë preh e një mashtrimi nëpërmjet Klodian Cirunës, i cili me sa duket po abuzon me emrin e kryeministrit dhe djalit të kryeministrit. Nga ana e portalit të kryeministrit Rama ka ardhur përgjigjia me tekst “…nuk e kam idenë për çfarë bëhet fjalë dhe nuk kam asnjë lloj lidhje me asgjë që shkruan…”.

I ndodhur përballë një mashtrimi klasik, biznesmeni ka vendosur që në maj të 2018 të shkojë vetë në Bashkinë e Tiranës dhe të takojë personalisht Detjon Baboçin me detyrë Drejtor i Urbanistikës në bashki dhe Arbian Mazniku me detyrë nën/kryetar Bashkie. Pasi i ka treguar të gjithë historinë e tij dy zyrtarëve të bashkisë, ata e kanë orientuar që Koka ti drejtohet me një kallëzim prokurorisë së Tiranës.

Të njëjtën skemë mashtrimi ka përdorur edhe me biznesmenin Luan Duraj, të cilit Ciruna i ka marë një shumë prej 232 mijë e 500 euro me premtimin se do i nxirte një lejë ndërtimi, pasi sipas Duraj, Ciruna i ishte prezantuar si biznesmen, jurist dhe që kishte shumë lidhje. Plus që shumë shpejt do emërohej gjyqtar ose kandidat për këshilltar ligjor pranë kryeministrit Edi Rama.

Nisur nga kjo situatë Duraj ka pranuar ti dorëzojë shumën prej 232 mijë euro. Por pas dhënies së kësaj shume, Duraj ka filluar të hulumtojë se kush është ky person dhe çfarë përfaqëson,duke kuptuar se kishte të bënte me një mashtrues. Kaq ka mjaftuar që ai të kërkojë sasinë e eurove mbrapsht dhe ti drejtohet prokurorisë së Tiranës me një kallëzim penal për mashtrim.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • dulja: 02/04/2019 17:04

    si ky tipi ka plote vendi kapini keta legena

    Përgjigju
  • Fredi: 02/04/2019 13:03

    B a j g ë!

    Përgjigju
  • mosmor: 02/04/2019 11:34

    Ka qen nje italian si ky dikur ne shqiperi qe "nxirte" viza per amerike.Pasi ndejti ne bunker ne rushbull i "trajtuar"si duhet i ktheu te tera leket dhe falenderonte zotin qe ish gjalle.Kshu e ka dash dhe ky tipi.

    Përgjigju
  • gimi: 02/04/2019 09:51

    fati i keq i tyre dhe mendjelehtesi totale qe kane rene ne dore te mashtruesit. ata qe kane shkuar te edi rama i vertete dhe tek gregori i vertete i kane zgjidhur gjerat

    Përgjigju
  • $$$$$: 02/04/2019 09:18

    Respekte per keta mashtruesa paska akoma njerez injorant qe vazhdojne e besojn prrallat me kesulkuqen mjer shqiperia ku ka arritur me keta bizesmena injorant qe vazhdojne akoma me enderra qe po dhe lek merr leje ndertime..o zot kur do ti nxieri koha keta bizesmena injorant te kthehen nga kan ardhur dhe te marrin kazmat dhe te punojn arat.

    Përgjigju
    • $$$$$: 02/04/2019 18:25

      O zot cfar mekati kan ber shqiptaret qe ket tipin qe me komenton e ben inxhinjer ndertus apo bizesmen , injoranca ka arritur ne majat me te larta pupu po ik ore puno token more katundar more se je tejet injorant dhe i kalon caqet e injorances..per formatin tend ty do te shkonte shume kazma ose ndonj lopat haleje

    • Injorant eshte populli: 02/04/2019 14:10

      Idiot qe je! Jane biznesmene me universitet inxhinjerie, me nje biografi pune te ndritur, me eksperience 40 vjecare ne punen e ndertimit! Po ti or kaqol i verbuar nga propoaganda, i ngaterron me keta krieminelet qe ndertojne sot neper Tirane! Çfare do beje zotrote nese do kishe 10 familje peng qe nga 2003? Kur Bashkia mban peng 400 PDV dhe njerzit nuk gjejne dot menyren si te marrin lejen? Sepse nuk mjafton taksa qe u dhjetefishua, por duhen gjete edhe njerzit qe te mbulojne bashkine! Eh shqipni shqipni! Me popull si ky idioti me lart!!

  • Rikja: 02/04/2019 09:09

    Hajd se fo i shijoj leket gruja e ktij ,qe gjoja sdi gje!

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

17 Nëntor, 22:21