FOTO/Protesta sot para Kryeministrisë
Në marrëveshje thuhet se në Shqipëri ende janë të pranishme 83 ton lëndë kimike të rrezikshme, në inventar të Forcave të Armatosura dhe uzinave ushtarake të kontrolluara nga ministria e Mbrojtjes. Ky dikaster ka kërkuar ndihmë teknike nga OSBE për të eliminuar sasinë në fjalë, duke vënë në dispozicion personelin dhe kapacitetet aktuale demontuese të pranishme në Shqipëri për një gjë të tillë, si dhe duke ofruar lehtësi portuale, çka nënkupton se kimikatet mund të largohen në drejtim të një vendi të huaj në rrugë detare.
(Foto: Faksimile e marrëveshjes së 16 prillit 2012 midis ministrit Imami dhe kreut të OSBE për asgjesimin e 83 ton lëndë kimike)
Sipas burimeve të Shqiptarja.com, OSBE tashmë ka kontraktuar një firmë nga Greqia për të kryer ripaketimin e lëndëve helmuese kimike ende në dispozicion të ushtrisë shqiptare, e cila është angazhuar në grumbullimin e tyre dhe ka si opsion të mundshëm edhe largimin drejt Turqisë.
Ky fakt, i zbuluar vetëm tani, flet qartë për atë, se ushtarakët me maska, të filmuar nga kamera e TV A1 Report një javë më parë në Qafë Mollë duke lëvizur fuçi pa etiketa, janë duke magazinuar armë kimike, që, sipas Marrëveshjes, janë jo pak, por 83 ton. Ata janë duke kryer operacionin e ripaketimit të fuçive, të cilat mund të kenë pësuar dëmtime gjatë kohës së stokimit dhe, si pasojë, ekziston rreziku i rrjedhjeve.
Marrëveshja nuk flet për atë se ku shkojnë këto lëndë të ripaketuara, por, sipas burimeve nga ministria e Mbrojtjes, një urdhër nga ministrja Kodheli ka përcaktuar Uzinën Kimike të Mjekësit në Elbasan si vend të stokimit të këtyre lëndëve, pasi ka kërkuar lirimin sa më shpejt të një hapësire prej 80 mijë metrash katrorë apo tetë hektarësh. Kjo hapësirë mund të përdorej jo vetëm për armët kimike të Qafë Mollës, por edhe për ato siriane, në rast se do të merrej vendimi nga qeveria shqiptare për të pranuar një pjesë të tyre për demontim në territorin shqiptar.
Në këtë kuadër, duket mjaft absurde që Shqipërisë t’i kërkohet pranimi i qindrave ton armë kimike, ndërkohë që ajo ende ka dhjetra ton të palikuiduara. Demontimin e tyre shteti ynë nuk ka arritur ta kompletojë, edhe pse në vend u montua dhe punoi për disa vjet një impiant amerikan i posaçëm. Ndërkohë, në Uzinën e Mjekësit aktualisht trajtohen lëndë plasëse, duke përfshirë armatimet, por eliminimi i armëve kimike kërkon pajisje që Shqipëria nuk i ka.
Sidoqoftë, kjo do të përbënte një rrezik të konsiderueshëm për mjedisin dhe shëndetin, që vende të tjera përpiqen ta shmangin. Kështu, Turqia është fqinjë me Sirinë, por ndërkombëtarët nuk e përmendin si vend të mundshëm destinacioni për armët kimike siriane, ndërkohë që nga Shqipëria atje edhe mund të përfundojnë lëndë helmuese kimike.
Në rast se quhet i besueshëm informacioi i dhënë nga francezja “Le Monde”, qeveria amerikane pret një përgjigje nga qeveria shqiptare jo më larg se 15 nëntori për pranimin si destinacion të këtij arsenali të rrezikshëm, kundrejt pagesës.
Shkrimi u publikua sot (7.11.2013) në gazetën Shqiptarja.com (print)
Redaksia Online
(d.d/shqiptarja.com)
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
