Zbardhet rëfimi i dytë i Olson Çutaj, i cili ka dhënë një tablo më të qartë se çfarë ka ndodhur në 3 tetor 2020, ditën kur vëllai Vilsoni dhe kushëriri, Klementi, kanë marë me forcë e rrahur, Danielin brenda në makinë. Ai u ka treguar policisë se gjithçka, ka ndodhur për vjedhjen e hashashit dhe megjithëse Danieli, nuk e pranonte se ai ishte hajduti, sërish ka pranuar që t'i kthejë sasinë e vjedhur nga parcela e tij që kishte në fshatin Vrith.
Me sa duket Daniel Pepaj e ka përdorur këtë alibi për t'i futur në kurth dy miqtë e tij, ku i ka tërhequr në një zonë malore dhe aty i ka vrarë me kallashnikov, duke i goditur me nga një plumb pas shpine. Në 4 tetor 2020, policia e Shkodrës ka rimarrë në pyetje për herë të dytë vëllain e Vilson Çutaj, Olson Çutaj, i cili ndryshe nga rëfimi i parë në polici, duke treguar se konflikti kishte lindur për një femër, në deklarimin e dytë, ka dhënë një version tjetër.
Olson Çutaj, u ka treguar oficerëve të policisë dhe prokurorëve se ngjarja nuk kishte lidhje për motivin e femrës që ai kishte treguar një ditë më parë, por shkak ka qënë motivi i vjedhjes së bimëve të hashashit. Sipas burimeve të “Shqiptarja.com”, Olsoni në mesditën e 3 tetorit, ka udhëtuar me vëllanë e tij Vilsonin, nga fshati Bajzë në fshatin Vrith, për të takuar kushëririn e tyre Klement Pepaj, të cilin e kanë djalin e djalit të hallës.
Arsyeja që po shkonin në këtë fshat ishte fakti se Vilsonit dhe Klementit, i kishin vjedhur një sasi bimësh hashashi në një parcelë në malin e fshatit, Vrith të Malësisë së Madhe. Klementi i kishte thënë Vilsonit “Hashashin e ka marrë Danjel Pepaj” që është edhe kushëri i Klementit, dhe kanë shkuar për ta pyetur dhe sqaruar punën me Danielin.
Në fshatin Vrith kanë shkuar rreth orës 14:30 dhe kanë qëndruar te lokali. Në lokal kanë porositur dy birra dhe një kafe me ujë. Aty kanë qëndruar rreth 5 minuta, pasi Klementi, komunikoi në telefon me Danjelin dhe i tha të vinte në qendër, por Danieli, i tha se ishte te shtëpia. Atëherë janë ngritur nga tavolina, madje pa paguar as pijet dhe janë nisur për të takuar Danjelin te banesa e tij dhe Danieli po priste te porta e shtëpisë.
Vilsoni me Klementi, shkuan dhe u takuan me Danielin, me të cilin bënë fjalë dhe e morën me forcë duke e futur në makinë dhe më pas siç ishin, kanë lëvizur për në fshatin Bajzë. Duke biseduar rrugës për punën e hashashit, Vilsoni i ka gjuajtur me shpullë Danielit, e ka sharë, duke i thënë pse na ke vjedhur hashashin. Danieli i thoshte se nuk e kam marrë unë dhe kjo bisedë vazhdoi deri në Bajzë.
Mirëpo gjatë rrugës, ata i kanë kërkuar që Danielit të tregonte vendin se ku e kishte fshehur sasinë e drogës të vjedhur. Por Danjeli nuk e pranonte që e kishte vjedhur hashashin. Më pas sikur të katërt janë bashkuar e kanë ikur në një lokal të fshatit Bajzë, ku Olsi ka pirë kafe, ndërsa Vilsoni, Klementi dhe Danjeli, kanë pirë nga dy birra secili. Edhe aty në lokal Vilsoni e Klementi kanë filluar ta shajnë e t’i bëjnë presion për hashashin e vjedhur, Danielit.
Danjeli ka thënë se e gjej unë kush e ka vjedhur hashashin dhe do t’jua jap unë, por në bisedën që bënte duke shmangur veten si vjedhës i hashashit, por sipas Danjelit do t’jua jepte sasinë e hashashit të vjedhur, pasi Danjeli tha se kishte hashash në mal në fshatin Vrith te parcela e tij dhe hajde të shkojmë ta marrim.
Me kaq, kanë hipur në të njëjtën makinë sikur ishin dhe u nisën për në fshatin Vrith, ku kanë ndjekur rrugën nga Bajza, në Jeran, më pas në Gradec e më pas Marshej dhe kanë dalë në rrugën kryesore te burgu i Reçit dhe kanë vazhduar rrugën kryesore për në fshatin Vrith. Danjeli u ka thënë: “po shkoj pak në shtëpi të ndërroj rrobat” dhe nga shtëpia doli me tuta sportive ngjyrë blu të errët dhe me atlete.
Sapo kanë dalë në dalje të fshatit Vrith, rrugës për në Razëm, te një kthesë kanë zbritur nga makina duke ecur në këmbë Vilsoni, Klementi dhe Danjeli. Pas këtij momenti Olsi është kthyer dhe është ulur në kafe në qendër të fshatit Vrith te lokali. Pas rreth 30 minutash e ka marrë në telefon Vilsonin, i cili i është përgjigjur duke i thënë se vonohej edhe një gjysmë ore.
Pas rreth 15 minutash nga telefonata e fundit e ka marrë në telefon Olsin vëllai i tij Vilsoni dhe i thotë: “a po i thua kujt, të marrë djalin ta çojë te shtëpia”, pasi e kishte në futboll. Pas 5 minutash e ka marrë në telefon Vilsonin për t’i tregur se djalin e morën për ta çuar në shtëpi. Rreth orës 20:30 Olsi i ka telefonuar përsëri Vilsonit, por ai nuk është përgjigjur në telefon, i ka rënë disa herë në vazhdimësi, por nuk e ngrinte telefonin edhe pse zilja vazhdonte t’i binte.
Gjithashtu i ka rënë edhe telefonit të Klementit, por edhe ai nuk e ka hapur telefonin, kurse numrin e Danjelit nuk e kishte Olsi dhe sipas tij dhe nuk i ka rënë asnjëherë. Pas këtij momenti ka marrë në telefon disa shokë dhe kanë dalë me drita dore për të kërkuar në mal, por nuk janë gjetur askund.
Kanë kërkuar deri rreth orës 01:00 e më pas ka shkuar në polici, në Malësinëe Madhe, për të bërë kallëzim për humbjen e Vilsonit dhe Klementit, pasi kishte merakun se diçka e keqe i kishte ndodhur atyre.
Hera e fundit që Danjel Pepaj është parë në teritorin Shqiptar është në fshatin Zagorë, ka qënë duke lëvizur në këmbë i vetëm. Tashmë policia dhe prokuroria e Shkodrës kanë nxjerë një mandat arresti, me qëllim ndalimin e Danjel Pepaj, për të cilin sot e kësaj dite nuk ka asnjë gjurmë.
Lajme të tjera
-
Vrau dy kushërinjtë pas konfliktit për parcelat e kanabisit në Malësi të Madhe, arrestohet pas dy vitesh në arrati Daniel Pepaj (VIDEO)
9 Dhjetor 2022, 16:27 -
Një vit më parë i vranë vëllanë, Vilson Çutaj për drogë, 35-vjeçari në Malësi të Madhe s'heq dorë nga kultivimi i kanabisit! I gjenden 326 rrënjë në oborrin e shtëpisë
26 Gusht 2021, 15:50 -
Vrasja e dy kushërinjve në Malësinë e Madhe, lirohet nga burgu babai i autorit
23 Qershor 2021, 12:58 -
SPECIALE/ ‘57 ngjarje të ndryshme kriminale që u pasuan me 65 viktima’/ 2020-ta, nga ekzekutimet tek dorëheqja e Lleshajt (VIDEO)
31 Dhjetor 2020, 18:03
-
U la në burg për kultivim kanabisi/ Babai i autorit të vrasjes së dy të rinjve në Malësinë e Madhe bën rekurs për masën e sigurisë
25 Nëntor 2020, 11:00 -
Vrasja në Malësi për drogën, Vilson Çutaj e Klement Pepaj, u qëlluan me nga një plumb pas shpine
13 Tetor 2020, 08:33
-
Ekskluzive/ Vrasja e dy të rinjve në Shkodër, zbardhet dëshmia e vëllait të Vilsonit: U zunë për një femër, më lanë në lokal dhe ikën të 3 në mal
11 Tetor 2020, 15:46
-
Vrasja e dy të rinjve në Malësinë e Madhe/ Lihet në burg babai i autorit: Në atë zonë kam mbjellë boronicë, jo kanabis! Dija vetëm se Danjeli është rrahur
11 Tetor 2020, 09:35 -
Vrasja në Malësi të Madhe, arrestohet babai i Daniel Pepajt, Rrok Pepaj! Akuzohet si bashkëpunëtor në kultivimin e kanabisit dhe për dëshmi të rreme! Familjet e viktimave hapin dyert e mortit
9 Tetor 2020, 08:45 -
Vrasja në Malësinë e Madhe/ Vëllai i Vilsonit, Olsi Çutaj dëshmitari kryesor! Ditën e zhdukjes i transportoi me makinë në Vrith! Danjeli e mbante armën të fshehur në parcelën me kanabis ku u gjetën 30 rrënjë
8 Tetor 2020, 23:23 -
Gjenden dy trupat e pajetë të të rinjve të zhdukur prej 5 ditësh në Malësinë e Madhe! Policia ndalon babanë e autorit Danjel Pepajt: Dëshmitar në ngjarje! Shënjestra e sulmit ishte Vilsoni, Klementin e qëlloi nga frika
8 Tetor 2020, 15:23 -
Ekskluzive! Nëna e autorit të dyshuar: Do i jap jetën atij që më jep lajmin se ku janë, qoftë gjallë ose vdekur
8 Tetor 2020, 12:50
