POP 5

Lajmet më të lexuara të 5 minutave të fundit

Kronikë

Vrasja e dy të rinjve në Malësinë e Madhe/ Lihet në burg babai i autorit: Në atë zonë kam mbjellë boronicë, jo kanabis! Dija vetëm se Danjeli është rrahur

Rrok Pepaj, babai i Danjel Pepajt autori i vrasjes së dy të rinjve në Malësinë e Madhe është lënë në burg pasi akuzohet për dhënie të dëshmisë së rreme dhe bashkëpunëtor në kultivimin e kanabisit.

SHKODËR- Gjykata e Shkodrës ka caktuar masën arrest me burg për Rrok Pepajn, babanë e Danjel Pepajt, autorit të vrasjes së dy të rinjve, Vilson Çutaj dhe Klement Pepaj, në Malësinë e Madhe, të cilët u shpallën të zhdukur më 3 tetor dhe u gjetën pas pas 5 ditësh.

Rrok Pepaj është lënë në burg pasi akuzohet për dhënie të dëshmisë së rreme dhe bashkëpunëtor në kultivimin e kanabisit. Dy ditë më parë ka Pepaj dhënë dëshminë e tij për disa orë në policinë e Shkodrës para hetuesve, ku në fund policia ka vendosur arrestimin e tij pikërisht për dhënien të dëshmisë së rreme pasi sipas tyre ai është një person që ka pasur dijeni për ngjarjen. Pavarësisht masës së sigurisë sot në dëshminë e rradhës ai ka thënë se nuk ka patur dijeni për parcelën pasi ka mbjellë boronicë, ndërsa për sa i përket djalit ka shtuar se di vetëm se ai ka pasur një ngatërresë dhe se e kanë rrahur.

Trupat e pajetë të të rinjve u gjetën të ndarë një njëri tjetri dhe të ekzekutuar me kallashnikov. Fillimisht Danjeli ka qëlluar mbi Vilsonin trupi i të cilit është bërë shoshë nga plumbat dhe më pas ka qëlluar nga frika kushëririn e tij Klementin pas shpine. Danjel Pepaj e mbante armën të fshehur në parcelën me kanabis në afërsi të fshatit Vrith, ku ndodhi dhe ekzekutimi i dy të rinjve. 

Shkaku i ngjarjes është një parcelë me kanabis sativa që Danieli u ka grabitur Vilsonit dhe Klemedit. Nga dëshmitë e siguruara në polici, një ditë para zhdukjes, Danieli u rrah nga Klementi dhe Vilsoni një ish denuar për prodhim dhe shitje të drogës. Për hakmarrje, i riu që duhet t'i ketë çuar në pyll dy të tjerët duke i gënjyer për drogën e fshehur dhe më pas i ka vrarë ata.

Danjel Pepaj sipas burimeve të Report Tv dyshohet se menjëherë pas ngjarjes është larguar në drejtim të Malit të Zi dhe ende është në kërkim.


Lajmi kryesor:

Ekskluzive/ Vrasja e dy të rinjve në Shkodër, zbardhet dëshmia e vëllait të Vilsonit: U zunë për një femër, më lanë në lokal dhe ikën të 3 në mal
Rendit zhvillimet sipas orarit:
Ora 10:45
U la në burg për dëshmi të rreme dhe kultivim kanabisi, zbardhet dëshmia e Rrok Pepajt: S'kam pasur dijeni për parcelën, kam mbjellë boronicë

Zbardhet dëshmia e Rrok Pepajt, babait të Danjel Pepaj, autorit të vrasjes së dy të rinjve në Malësi të Madhe pasi u la bë burg për dëshmi të rreme dhe bashëkpunëtor në kultivim kanabisi.

Në dëshminë e tij ai ka thënë se nuk ka patur dijeni për parcelën pasi ka mbjellë boronicë, ndërsa për sa i përket djalit ka shtuar se di vetëm se ai ka pasur një ngatërresë dhe se e kanë rrahur.

"Nuk kam patur dijeni për parcelën sepse në mal kam mbajtur bagëti dhe kam mbledhur boronica. Unë thjeshtë e njoh si zonë pjesën malore por nuk e kam ditur se ku ka parcela. Di faktin që djali im ka patur një ngatërresë dhe se e kanë rrahur. Djalin tim se kam parë prej disa ditësh dhe di vetëm që janë ngatërruar dhe se e kanë rrahur disa persona. Unë nuk kam asnjë faj dhe nuk kam lidhje me këto pune sepse une jam i semurë dhe kam edhe gruan të sëmurë", tha ai.

Ora 10:29
Vrasja e dy të rinjve në Malësinë e Madhe/ Gjykata lë në burg babain e autorit, akuzohet për dëshmi të rreme dhe bashkëpunëtor në kultivimin e kanabisit

Gjykata e Shkodrës ka caktuar masën arrest me burg për Rrok Pepajn, babain e Danjel Pepajt, autorit të vrasjes së dy të rinjve në Malësinë e Madhe.

Ai akuzohet për dhënie të dëshmisë së rreme dhe bashkëpunëtor në kultivimin e kanabisit.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

​Rusia i pezullon gazin, reagon Moldavia: Putin po e përdor energjinë si armë

​Rusia i pezullon gazin, reagon Moldavia: Putin po e përdor energjinë si armë

28 Dhjetor, 22:55