POP 5

Lajmet më të lexuara të 5 minutave të fundit

Kronikë

Ekskluzive/Report Tv zbardh
skandalin e pronave në Dhërmi

Falsifikoi dokumentet e Këshillit Bashkiak Himarë për të përfituar tokë në Dhërmi, prokuroria i sekuestron Aristidh Dhimogjikës 4.8 hektarë truall. ReportTv zbardh dosjen e falsifikimit ndërsa për këtë rast në vitin 2014 agjencia e kthim kompensimit të pronave kallëzoi në prokurori Dhimogjikën.  VIDEO
ReportTv zbardh dosjen e plotë të falsifikimit të 4.8 hektarë tokë në plazhin e Dhërmiut. Sipas informacioneve që ReportTv ka mundur të sigurojë kjo sipërfaqe prej 4.8 hektarë është në pronësi të shtetasit Aristidh Dhimogjika.

Por si është përfituar kjo sipërfaqe toke në pjesën më të madhe të saj në plazhin e Dhërmiut. Siç dhe shihni në këtë faksimile rrugëtimi për të përfituar këtë sipërfaqe toke me dokumente false ka nisur në vitin 2003, 14 vite më parë.

“Konkretisht provohet se dokumentet bazë që kanë shërbyer për kthimin e kësaj pasurie, janë dokumente tërësisht të falsifikuara, për faktin se nuk janë marrë nga organet kompetente. Provohet se dokumenti Vendim nr. 888, datë 31/01/2003 i Këshillit të Bashkisë Himarë, në të cilin është pasqyruar fakti i njohjes së pasurisë me sipërfaqe prej 4.8 ha, është tërësisht i falsifikuar, për faktin se në mbledhjen e datës 31/01/2003 të Këshillit të Bashkisë Himarë, nuk është marrë ky vendim”, sqaron prokuroria në hetimet që ka kryer.

Por si u arrit në sekuestron e kësaj toke dhe hetimet ndaj shtetasit Aristidh Dhimogjika. Është ky kallëzim i siguruar nga ReportTv ku tre vite më parë agjencia e kthim kompensimit të pronave i drejtohej kreut të akuzës në Vlorë dhe kryeprokurorit Llalla që i hapi rrugën zbulimit të këtij skandali.

Sipas kallëzimit të AKPP sipërfaqja prej 4.8 hektarë tokë i është njohur padrejtësisht me vendim gjykate shtetasit Vangjel Dhimogjika dhe kërkues ka qenë Aristidh Dhimogjika. Kjo tokë thotë AKPP është përfituar me vendim të vitit 2006, vendim numër 128 datë 29 Maj 2006.

Këtë kallëzim AKPP ja drejtonte prokurorisë e cila pas një periudhe të gjatë hetimesh arriti të bind gjykatën për të caktuar masën e sigurisë sekuestro për 4.8 hektarë ose 48 mijë metra katrorë.

d.c./shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46