Presidenti Bajram Begaj nuk e ka thirrur Këshillin e Sigurimit Kombëtar për të diskutuar shkallën e rrezikut mbi një impakt të mundshëm të konfliktit në lindjen e Mesme edhe mbi vendin tonë.

Por, pavarësisht kësaj, Presidenca, në një reagim ekskluziv për Report Tv thotë se kreu i shtetit ka komunikuar me krerët e institucioneve të sigurisë dhe mbrojtjes për t’i kërkuar informacion mbi masat e marra.

“Presidenti i Republikës po ndjek në vijimësi me vëmendje të shtuar zhvillimet dhe është në komunikim të vazhdueshëm institucional me të gjitha institucionet përgjegjëse për sigurinë dhe mbrojtjen. Kreu i Shtetit ka kërkuar informacion dhe është informuar në mënyrë të vazhdueshme mbi masat e marra nga institucionet që i ngarkon Kushtetuta dhe ligji për garantimin e sigurisë dhe mbrojtjes",- thuhet në reagimin e presidencës.

Në përgjigje të interesimit të Report Tv, Presidenca thotë se Begaj ka kërkuar rritjen e gatishmërisë, duke vendosur në plan të parë sigurinë e shqiptarëve në vendet e konfliktit.

"Presidenti i Republikës ka udhëzuar angazhim dhe përkushtim të institucioneve, me fokus të veçantë te qytetarët shqiptarë që ndodhen për arsye të ndryshme në rajonin e Lindjes së Mesme. Presidenti Begaj ka theksuar nevojën për forcimin e masave të sigurisë dhe rritjen e gatishmërisë së strukturave përkatëse, duke vendosur në plan të parë sigurinë dhe mbrojtjen e qytetarëve",- thuhet në përgjigjen e presidencës.

Sipas shifrave zyrtare, vetëm në Emiratet e Bashkuara Arabe, në nisje të konfliktit ka pasur rreth 3000 shqiptarë, një pjesë e të cilëve janë kthyer në vend.

Reagimi i plotë i Presidencës për Report Tv

Presidenti i Republikës po ndjek në vijimësi me vëmendje të shtuar zhvillimet dhe është në komunikim të vazhdueshëm institucional me të gjitha institucionet përgjegjëse për sigurinë dhe mbrojtjen. Kreu i Shtetit ka kërkuar informacion dhe është informuar në mënyrë të vazhdueshme mbi masat e marra nga institucionet që i ngarkon Kushtetuta dhe ligji për garantimin e sigurisë dhe mbrojtjes.

Presidenti i Republikës ka udhëzuar angazhim dhe përkushtim të institucioneve, me fokus të veçantë te qytetarët shqiptarë që ndodhen për arsye të ndryshme në rajonin e Lindjes së Mesme. Presidenti Begaj ka theksuar nevojën për forcimin e masave të sigurisë dhe rritjen e gatishmërisë së strukturave përkatëse, duke vendosur në plan të parë sigurinë dhe mbrojtjen e qytetarëve.

Bashkëpunimi dhe bashkërendimi ndërinstitucional i shërbejnë forcimit të masave për garantimin e sigurisë. “Jeta e çdo qytetari shqiptar është prioritet!” – kjo ka qenë kërkesa e Presidentit drejtuar të gjitha institucioneve.

 

SI.E./K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • qani Furka: 10/03/2026 16:24

    gjall na qenka presidenti se na beri marak

    Përgjigju
  • Sondazhi i ditës: 9 Mars, 15:01

    PS nuk jep aprovimin për arrestimin e Ballukut, si e vlerësoni?

Lajme të tjera