Eksodi drejt BE për azil,Shishtaveci
në Kukës kthehet në një azil pleqsh

Eksodi drejt BE për azil,Shishtaveci<br />në Kukës kthehet në një azil pleqsh
Eksodi masiv ka prekur edhe komunën Shishtavec të Kukësit. Janë të shumta familjet që muajt e fundit janë larguar drejt Gjermanisë. Veçanërisht në fshatin Shishtavec , ritmet e largimit gjatë muajve të fundit janë rritur ku thuajse kanë mbetur vetëm pleqtë dhe mosha e mesme.

Sipas banorëve largime të tilla nuk kanë ndodhur as në vitet 90-të. Ndërsa të tjerë shprehen pritet që shembullin e të ikurve, ta ndjekin edhe shumë të tjerë. 

Fluksin në rritje të largimit të banorëve kryesisht të zonës së Gorës e pranon edhe kryetari i komunës Shishtavec. Dylejman Nela thotë se fluksi i largimit drejt vendeve të Bashkimit Evropian, kryesisht Gjermanisë ka nisur gjatë këtij viti, por më i theksuar është vërejtur në tre muajt e fundit.

Sipas Nelës, nga kjo komunë, gjatë kësaj periudhe janë larguar më shumë se 250 persona, të rinj dhe familjarë. 


Shqetësimi më i madh qëndron në faktin se banorët nuk do të rikthehen në vendin e tyre, ata kanë shitur edhe pronat. 
 
Në zonën e Shishtavecit, fenomeni i largimit ka vite që është shfaqur, ku shumë të rinj kanë emigruar drejt Anglisë. Komuna Shishtavec ka, të regjistruar, rreth 5 mijë banorë, por një pjesë e madhe e tyre jetojnë edhe në qytete të tjera të vendit dhe kthehen në vendlindje vetëm gjatë stinës së verës.
 
Redaksia Online
(a.h/shqiptarja.com)

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Aksident te rethrrotullimi i Kolonjës, makina çan barrierat e rrugës dhe fluturon në kanal

Aksident te rethrrotullimi i Kolonjës, makina çan barrierat e rrugës dhe fluturon në kanal