Eksperti i Shëndetësisë, Fauci: SHBA pasi të përfundojë vaksinimin e popullsisë kundër COVID-19, do të dhurojë vaksinat e tepërta për vendet në nevojë

Eksperti i Shëndetësisë, Fauci: SHBA pasi të përfundojë vaksinimin e popullsisë kundër COVID-19, do të dhurojë vaksinat e tepërta për vendet në nevojë

Eksperti amerikan i Shëndetësisë, Anthony Fauci

SHBA- Eksperti i Shëndetësisë, Anthony Fauci deklaroi se SHBA pasi të vaksinojë të gjithë qytetarët e saj, do të dhurojë vaksinat që do të teprojnë për vendet që i kanë nevojë.

“Aktualisht nuk na teprojnë, por në momentin që do të vaksinojmë të gjithë popullsinë e vendit tonë, pjesën e mbetur të vaksinave do t’i dhurojmë për vendet me të ardhura të ulëta dhe të mesme.”, u shpreh Fauci.

Ai tha se vendet evropiane kanë burime të mjaftueshme për të siguruar vaksina kundër COVID-19, duke shtuar se i referohet vendeve të cilat nuk kanë të ardhura për t’i blerë ato.

SHBA ka një proces të qëndrueshëm vaksinimi i cili po ecën në hapat e duhur për arritjen e imunitetit të tufës.

Aktualisht numri i të vaksinuarve plotësisht kundër COVID-19 është 60 milionë, ndërsa 100 milionë qytetarë kanë marrë vetëm dozën e parë të saj.

Pavarësisht masave shtrënguese anti-COVID dhe fushatës së vaksinimit, kohët e fundit është ndjerë një rritje e rasteve të reja të infektimit, falë variantit britanik të COVID-19.

Një gjë te tillë e ka mbështetur edhe Fauci duke thënë se është e mundur që varianti britanik i COVID-19 të jetë përgjegjës për rritjen e rasteve të infektimeve me virusin.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet