POP 5

Lajmet më të lexuara të 5 minutave të fundit

Kronikë

Ekspertiza për zjarrin në pallatin 10-katësh në Tiranë! Si u përhapën flakët për shkak të materialit të fasadës! Temperatura në vatër arriti mbi 700 gradë

Ekspertët e Institutit të Ndërtimit konfirmuan se materiali i fasadës së pallatit 10-katësh në zonën e Nshrakut ka nxitur përhapjen e zjarrit dhe ka penguar shuarjen e tij duke u bërë shkak që temperatura në vatër të arrinte 700 gradë. Kjo nxehtësi ka dëmtuar betonin dhe çelikun e strukturës së pallatit.

Ekspertiza e inxhinierëve të ndërtimit vërtetoi se materiali i fasadës u bë shkak për përhapjen e zjarrit në pallatin 10-katësh tek Nshrak-u më 14 shtator, duke vështirësuar punën e zjarrfikësve dhe duke e bërë godinën të rrezikshme për tu banuar. Flakët u përhapën në shkumën termoizoluese dhe u bënë shkak për kohëzgjatjen e zjarrit në rreth 100 minuta, duke arritur një temperaturë deri në 700 gradë, thuhet në dokumentin e siguruar nga Report Tv.

 “Në ekspertizën e firmosur nga inxhinierët Olsi Nunaj, Mimoza Kola, Dhimitër Papa dhe Armeda Gramos, cilësohet se zjarri në godinën pas shpinës sime ka nisur në katet e papafingos, në katet 9 dhe 10, dhe më pas është përhapur në sipërfaqe të tjera, i favorizuar pikërisht nga kjo lëndë ndërtimi, shkumë poliuretanike, me veti të mita termoizoluese, por me bazë nafte dhe me fuqi të madhe kalorifike, duke e mbajtur zjarrin për një kohë më shumë se 90 minuta, çka e vështirësoi punën e zjarrfikësve”.

Edhe pse baza e strukturës është betoni, një material jo i djegshëm, ai i ka humbur vetitë mbrojtëse e mbajtëse për shkak të nxehtësisë ekstreme dhe kohëzgjatjes më shumë se 45 minuta, kohë që materiali i betonit mund të përballojë. Ekspertët kanë vërejtur se nga nxehtësia e lartë dhe kohëzgjatja e madhe, betoni është shkërmoqur duke lejuar edhe shtresat e brendshme të dëmtohen.

“Çeliku ekspozohet negativisht ndaj zjarrit në temperatura mbi 700 gradë celsius dhe me kohëzgjatje 15-45 minuta, duke humbur rreth 25% të aftësisë mbajtëse”, thuhet në raport.

Më 14 tetor, një muaj pas zjarrit, në pallatin e boshatisur janë vendosur skelat për të bërë restaurimin e pjesës së dëmtuar nga flakët.

(Kliko këtu për të lexuar dokumentin e plotë) Ekspertiza

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tornitori: 14/10/2023 18:44

    ti gezoni apartamentet qe ju shesin lloj lloj sharlatanesh atje ne alb.....

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Parashikimi i motit/ Reshje shiu e shtrëngata, ulen temperaturat këtë fundjavë

Parashikimi i motit/ Reshje shiu e shtrëngata, ulen temperaturat këtë fundjavë

11 Janar, 07:22