Ekspertja amerikane shpjegon për Report Tv funksionimin e poligrafisë, ja sa përqind saktësi ka testi (VIDEO)

Ekspertja amerikane që ka trajnuar 5 shqiptarët që do të përdorin makinën e të vërtetës në Shqipëri, ka dhënë një intervistë për Report Tv  duke shpjeguar detaje të reja rreth poligrafisë.

E pyetur nga gazetari i Report Tv, Arsen Rusta rreth poligrafit, ekspertja amerikane Lori Kosorak është shprehur se shumë persona kur të vendosen në këtë makineri përpiqen të thonë të vërtetën por makineria kap çdo gënjeshtër për shkak të ndryshimeve të tyre emocionale kur thonë diçka të pavërtetë.

 "Shumë prej personave duan të thonë të vërtetën por kjo makineri kap edhe gënjeshtrën. Pasi mat rrahjet e zemrës, kemi lëvizje sensorësh që të mat gjendjet e trupi është e rëndësishme. Merret me pjesën biologjike dhe pjesën e të vërtetës." ka thënë zonja Kosorak.

Ndërkohë e pyetur rreth përqindjes së saktësisë së kësaj makinerie, ekspertja amerikane është shprehur se shkon deri në 95%.

"Varet nga teknika e përdorur, Është rreth 95 % varet gjithmonë nga tekniku që e përdor këtë makineri." tha ajo.

 " Ne e përdorim shpesh herë këtë. Ka zbardhur shumë ngjarje.  Një pjesë është për gjoksin. Më pas është pjesa e tensioni të gjakut që vendoset ne krahë. Është pjesa tjetër që vendoset në kokë. Kemi sensorët elektronik që vendoset në gishta ose pullat që mund të jenë në të gjithë dorën. Kemi sizmografin që vendoset në njërin nga gishtat." shtoi ekspertja amerikane më pas.

Ndërsa kur u pyet rreth kohës që makineria të merr për të parë nëse një person tregohet i vërtetë apo jo, ekspertja amerikane është shprehur se testi zgjat 2-3 orë, por janë analizat e të dhënave që vonojnë edhe më shumë.

"Kjo makinë zakonisht përdoret për rreth 2-3 orë por zgjat përgjigja finale. Kjo është një makinë që bën teste ekzakte" .

Aparati i Poligrafit

 

Testi Poligrafik i FBI

Lajmi kryesor:

Gati ekspertët për makinën e së vërtetës për BKH-në, Lleshaj: Poligrafin do e kalojnë edhe policët, do doja ta nisja nga vetja (VIDEO)

TAG:
• SHBA
• BKH
• poligraf
• lori kosorak