EKSPOZITA/ Bienalja e Torinos
transferohet një muaj në Tiranë

TIRANE- Bienalja e Torinos do të transferohet nga Italia në Tiranë në kryeqytetin shqiptar dhe veprat do të ekspozohen në Muzeun Historik Kombëtar të Shqipërisë. Në edicionin e gjashtë të Bienales së Torinos vendi ynë ka qenë i ftuar i nderit.

Shqipëria përfaqësohet me pjesëmarrjen e 18 artistëve që kanë bërë emër jashtë Shqipërisë dhe brenda saj. Artistët shqiptarë janë përfaqësues të mjedisit të tyre kulturor, dhe këtë ata e kanë treguar me aktivitetet e mahnitshme dhe vitalitetin artistik. Ky edicion i gjashtë është kuruar nga Prof. Anselmo Villata e artisti shqiptar Alfred Milot Mirashi Kuratori i kësaj bienaleje, artisti i njohur shqiptar Alfred Milot Mirashi, thotë se “Bienalja e Torinos do të garantojë të drejtën e shikimit dhe në të njëjtën kohë të lejojë një audiencë të gjerë për të marrë në kontakt me artin bashkëkohor të këtij kombi në qendër të Mesdheut”.

Ekspozita e bienales që mban titullin “Stemperando” është bërë në bashkëpunim me institucionet shqiptare dhe nën patronazhin e INAC, Instituti Kombëtar i Artit Bashkëkohor; BB.AA.Ç.; Rajoni Piemonte, si dhe Muzeu Villa Doria Pamphili Villa Veçhia, etj. Pas udhëtimit në Shqipëri ekspozita do të bëhet në Romë, në Muzeun e Vjetër Villa Villa Doria Pamphili, ku edhe do të përfundojë si bienale.

Kuratori Alfred Mirashi thekson se “Stemperando” është një evenimet me rëndësi të madhe, i pritur nga publiku dhe mediat, Albumi i saj e ka bërë traditë që të propozojë artistët krijues aktualë të moshave të ndryshme dhe me shtrirje të ndryshme gjeografike e kulturore nëpërmjet përdorimit të njërës prej materialeve më të rafinuara të artit, përkatësisht letër. Përveç kësaj, ky botim është pasuruar nga një seksion historik ku ka veprat e mjeshtrave të mëdhenj të shekullit të njëzetë.

Beinlaj gjithashtu ruan karakterin shëtitës që i lejon asaj për të rritur numrin e vizitorëve që lëvizin në tri vende prestigjioze të dy kryeqyteteve dhe në një kryeqytet të kulturës. Për pjesëmarrjen e artistëve shqiptarë kanë sponsorizuar Instituti Kombëtar i Artit Bashkëkohor, në bashkëpunim me Bibliotekën Kombëtare Universitare të Torinos, Muzeu Historik Kombëtar i Shqipërisë, Muzeu i Vjetër Villa Villa Doria Pamphili.
 
Artistët pjesëmarrës ndërkombëtarë
Për seksionin ndërkombëtar në bienale janë: Alberto Biasi, Alberto Brusa,Gao Yang, Paolo Conti, Graham Guerra, Kivanc Gulhan, Ali Herischi, Jiang Shanqing, Susan Leyland, Paul Marazzi, Carlo Mazetti, Xavier Medina Campeny, Sofia Michaeledes, Azad Nanakeli, Qiu Yi, Xue Ran Mei, Claudio Saçhi, Michael Stanzione, Martin Streitenberger, Andreas Tomblin, Jorrit Tornquist, Lucio Trizzino; për seksionin historik: Georges Braque, Francesco Casorati, Enrico Colombotto Red, Samo Koler, Riçardo Licata, Umberto Mastroianni, Franc Oldering, Mario Schifano, James Soffiantino, Alberto Sauces.
 
Artistët pjesëmarrës nga Shqipëria
Në edicionin e gjashtë të Bienales “Stemperando” marrin pjesë Albien Alushaj, Helidon Haliti, Ardian Isufi, Pjeter Koleci, Beskida Kraja, Gjon Jon Kraja, Vladimir Llakaj, Fatos Lubonja, Ormira Lulani, Alban Met-hasani, Alkan Nallbani, Andi Nallbani, Admir Pervathi, Parlind Prelashi, Agron Rushiti, Alberto Saka, Helidon Xhixha, Armand Xhomo, Agron Rushiti.


Shkrimi u botua në Shqiptarja.com (print) në 8 Prill 2015

Redaksia Online
(d.a/shqiptarja.com)