POP 5

Lajmet më të lexuara të 5 minutave të fundit

Kronikë

Ekspozitë për persekutimin komunist në Konispol, dalin dokumentet

Autoriteti për Informim mbi Dokumentet e ish-Sigurimit të Shtetit, në bashkëpunim me Drejtorinë e Përgjithshme të Arkivave dhe Bashkinë Konispol, ekspozoi dje materiale arkivore të dhjetëra dosjeve të përndjekjes së Sigurimit

Një ekspozitë e hapur në ambientet e Autoritetit të dosjeve mbi përndjekjen e Sigurimit ndaj faktorit antikomunist në jug të vendit, zbuloi të vërtetat mbi fatin e një varg personalitetesh çamë, si Rexhep Plaku, Tahir Demi, Teme Sejko etj dhe persekutimit të gjithë familjeve të tyre. Këto dokumente janë disa mijëra faqe dhe dokumentojnë goditjen e përqendruar dhe përndjekjen, rezistencën dhe masat që e pasuan.

Jemi mbledhur këtu sot për të  hapur një seri aktivitetesh që ne i kemi quajtur dialog rajonal për të shkuarën dhe një prej tyre historive që na goditi  shumë ishte historia e persekutimit komunist në Konispol.

Genta Sula, Kreu i Autoritetit të hapjes së dosjeve

Sipas grupit të punës në autoritetin e dosjeve bëhet e ditur se në total janë verifikuar 40 dosje të natyrës formulare, hetimore e gjyqësore e bashkëpunëtore për 46 viktimat e evidentuara. Në ceremoninë e hapjes mori pjesë dhe kryetari i PDIU-së, Shpëtim Idrizi, kryetari i bashkisë së Konispolit, Shuaip Beqiri, pasardhës e miq të familjeve Demi, Sejko, Plaku etj.

Shqipëria tenton që të ndahet nga e kaluara. E vërteta është ajo që na ndihmon të gjithëve, mbi të gjitha të kujtojmë shpirtin fisnik të atyre burrave e grave, të cilët jo rastësisht u persekutuan.

 Kryetari i PDIU-së, Shpëtim Idrizi

Goditja e elementit me kontribut antifashist në jug të vendit  nisi që në vitin 1946 me dënimin e Rexhep Plakut, themeluesi i batalionit “Çamëria” dhe vijoi me dënimin e admiral Teme Sejkos dhe grupit të tij në vitin 1961. Deri në vitin 1673 terrori u shtri në dhjetëra emra në familjet e tyre, duke e shenjuar për disa breza fatin e një bashkësie të tërë.

Ekspozita e përgatitur në bashkëpunim me Drejtorinë e Përgjithshme të Arkivave dhe bashkinë Konispol, hap siparin e aktiviteteve kushtuar përkujtimit të figurave të shumë diskutuara që do të mbahen në Konispol në 26 qershor, në praninë e komunitetit vendas. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Romeo Kara: Berisha, burimi i të gjitha të zezave! Merkoçi: Është lehtësisht i manipulueshëm ngaqë në PD i lëpihen shumë vetë

Romeo Kara: Berisha, burimi i të gjitha të zezave! Merkoçi: Është lehtësisht i manipulueshëm ngaqë në PD i lëpihen shumë vetë

16 Janar, 18:37