Ekspozohen projektet fituese të edicionit të parë të Çmimit të Arkitekturës Toskane në Tiranë. Kjo ekspozitë, që ka lindur falë bashkëpunimit mes Shoqatës së Arkitektëve të Shqipërisë edhe Urdhrit të Firences, ka si qëllim që të sjellë pranë arkitektëve shqiptarë modele konkrete, se si punohet për realizimin e veprave bashkëkohore, por edhe me veprat që restaurohen apo realizohen në hapësira të ndryshme publike. Kreu i Shoqatës së Arkitektëve në Shqipëri, Armand Vokshi, e konsideron këtë ekspozitë si fillim të mbarë të një bashkëpunimi në nivel kulturor dhe profesional mes dy vendeve.
Në një farë mënyre duam që të shtymë arkitektët shqiptarë, të rishikojnë edhe njëherë mënyrën se si ata projektojnë, duke parë se si arkitektët italianë arrijnë në territorin që të nxjerrin objekte që janë të lidhura me territorin, historinë edhe elemente të tjera të vendit të tyre.
Armand Vokshi, Kreu i shoqatës së arkitektëve të Shqipërisë
Vokshi mendon se vitet e fundit, të bërit arkitekturë në Shqipëri është më shumë drejt individualizmit, sesa kundrejt njëfarë lidhje me pjesën e territorit edhe qyteteve.
Tendenca e kësaj ekspozite është që të shtyjë arkitektët, profesionistët që të shikojnë më shumë në thellësi qytetin, sesa të shohin vetëm arkitekturën e tyre.
Armand Vokshi, Kreu i shoqatës së arkitektëve të Shqipërisë
Sipas Vokshit, një projekt është rezultat i disa gjërave të mbivendosural siç është klienti, inxhinieri, arkitekti, pse jo ligji dhe bashkia.
Kështu që të gjithë këto grupe, shtresëzime njerëzish kontribuojnë në atë produkt që del në fund fare. Por klienti është pjesa më domethënëse e kësaj, sepse është ana që kontribuon me vlerën monetare. Nuk është se ka probleme mes inxhinierit dhe arkitektit, ndërsa me klientët është punë tjetër, se ka klientë që kanë një backgraund të pasur edhe ka të tjerë që kërkojnë gjëra që janë të pamundura në parimet e arkitektëve edhe të inxhinierëve.
Armand Vokshi, kreu i shoqatës së arkitektëve të Shqipërisë
Ekspozita do të qëndrojë hapur pranë ambienteve të Ministrisë së Infrastrukturës dhe Energjisë deri në datë 30 dhjetor.
Komente
Lajme të tjera
-
Trashëgimia që la arkitekti Gherardo Bosio: Mbi 400 vizatime, Hotel Dajti e Pallati i Brigadave si kryevepra që edhe arredoi! Çfarë mbeti në letër pa u zbatuar
6 Qershor 2022, 20:47
-
‘Fragmente të arkitekturës bashkëkohore shqiptare’, botim për projektet më dinjitoze (VIDEO)
8 Maj 2021, 17:04
-
1 vit pa Maks Velon⁄ Arkitekti jep alarmin: Veprat e artistit po shiten në tregun e nëndheshëm!
7 Maj 2021, 16:38
-
Armand Vokshi rrëfen arkitekturën e Tiranës në 100 vite, arkitekti: Zgjidhja për të ardhmen, konkurset
14 Janar 2021, 17:07
-
Riza, Meksi dhe Thomo, “Mjeshtër në arkitekturë”. Specialisti: Pas ’90-s interesi i shtetit për monumentet ka rënë!
1 Tetor 2020, 15:39
Arkitektet shqiptare duhet të kalben burgjeve sepse për 28 vjet bashkepunuan më fshatarët funderrina duke projektuar e ndërtuar shpifësira ultra të shemtuara. Ndertimet e 28 vjeteve që shkaterruan Shqiperinë nuk i gjen as në Ugandë!
Përgjigju