POP 5

Lajmet më të lexuara të 5 minutave të fundit

Kultura

Ekspozohen për herë të parë në muzeun e Korçës ikonat e afresket bizantine

Për herë të parë janë ekspozuar 9 vepra arti të rëndësishme, ikona e afreske të artistëve të mëdhenj si Onufri e Shpataraku. Pas restaurimit ato u prezantuan për publikun në Muzeun e Artit Mesjetar të Korçës.

KORÇË- 7 ikona kishtare dhe 2 afreske janë ekspozuar për herë të parë në Muzeun Kombëtar të Artit Mesjetar në Korçë.

Ato janë vepra të emrave të mëdhenj të pikturës e ikonografë si Onufri, Jeromonaku, Shpataraku dhe Zografët.

“Janë ekspozuar 7 ikona për herë të parë dhe dy afreske të veçanta, pjesë të muraleve të shkëputura nga kishat”, tha  Fjoralba Prifti, drejtore e Muzeut Kombëtar të Artit Mesjetar.

I përkasin shekujve XVI-XVIII dhe janë zbuluar nga studiuesi Theofan Popa, i cili gjatë kohës së komunizmit evidentoi dhe ruajti këto vepra të çmuara të artit.

“Aktiviteti i sotëm i kushtohet studiuesit Popa, i cili ka bërë grumbullimin e këtyre thesareve. Janë ekspozuar për herë të parë për publikun ikonat e restauruara”,  tha restauratori Genti Proko.

Në Muzeun Kombëtar të Artit Mesjetar në Korçë restaurohen dhe promovohen objekte të kohës bizantine dhe postbizantine. Koleksioni ikonografik që ndodhet në këtë muze është më i madhi në numër dhe më interesanti në vlera historike, artistike e fetare në vend.

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46