Interpol Athina në bashkëpunim me Interpol Tiranën ka ekstraduar nga Greqia në Shqipëri 33-vjeçarin Rezart Kalemi i dënuar me 20 vite burgim për vrasje me paramendim dhe armëmbajtje pa leje.

Ngjarja ka ndodhur në vitin 2009 kur Rezart Kalemi së bashku me disa familjarë të tij qëlluan me automatik drejt familjes Mete, ku mbetën të plagosur dy persona. Ngjarja mes dy familjeve ndodhur pas një konflikti mes tyre

 Njoftimi i Policisë së Shtetit
 
Mbi ekstradimin nga Greqia drejt vendit tonë të shtetasit Rezart Kalemi 

Nga Zyra Qendrore Interpol Tirana u bë ekstradimi nga Greqia drejt vendit tonë i shtetasit:
Rezart Kalemi , 23 vjeç, banues ne Lagjen 14, Shkozet, Durres.
Gjykata e Rrethit Gjyqësor Durres me vendim nr 629 date 15.10.2010 e ka dënuar me 20 vjet burgim për veprën penale të ‘’Vrasjes me paramendim’’’’Armbajtje pa leje’’.

Më datë 21.04.2009, shtetasi Rezart Kalemi së bashku me familjarët e tij kanë qëlluar me armë automatike drejt shtepisë së familjes Mete pas një konflikti që kanë pasur, si pasojë janë plagosur B. Zh. dhe E. N., pasagjer të autobuzit që po kalonte në momentin e zjarrit.
Shtetasi i ekstraduar u morën në dorëzim nga Drejtoria e Përgjithshme e Burgjeve .