Nga Zyra Qëndrore Interpol Tirana u krye ekstradimi nga Athina në Greqi drejt vendit tonë shqiptarit Kozma Laçka, 34 vjeç i lindur në Pogradec.  
 
Kapja dhe ekstradimi i tij u krye pasi: Gjykata Shkallës së Parë për Krime të Rënda, me Vendim Nr.45, datë 20.07.2009, e ka dënuar me 10 vjet burg, për kryerjen e veprës penale të “Trafikimit të lëndëve narkotike e kryer në bashkëpunim”, parashikuar nga Kodi Penal të Republikës së Shqipërisë.
 
Kozma Laçka merrej me organizimin dhe trafikimin e lëndëve narkotike drejt Greqisë në vitin 2006.
 
Si rezultat i bashkëpunimit të Interpol Tirana me Interpol Athinën në Greqi u bë i mundur arrestimi, me qëllim ekstradimi drejt vendit tonë i shtetasit Kozma Laçka.
 
Redaksia Online
(a.h/shqiptarja.com)