Ekzekutimi i 32-vjeçarit me 2 emra në Durrës, pista kryesore e hetimit prishja e pazareve të drogës! Policia shoqëron 10 persona

Detaje të reja dalin në dritë nga ekzekutimi me breshëri automatiku i 32-vjeçarit pasditen e djeshme në Durrës. Mësohet se në momentin e ekzekutimit, i riu Edmir Bregu, i cili mban dhe një tjetër emër, Ilir Kuçi po lëvizte me një makinë tip "Porsche Cayene".

Ai është me origjinë nga Kukësi por jeton në zonën e ish-Kënetës në Durrës. Gjithashtu ai është i martuar dhe me fëmijë. Gazetari i Report Tv, Artur Korriku raporton se deri më tani në komisariat janë shoqëruar 10 persona, qytetarë që kanë qenë pranë ngjarjes apo dhe familjarë.

Por ata nuk kanë dhënë asnjë dëshmi që të shërbejë si indicie për policinë të hetojë. Aktualisht po hetohet në 3 pista, ku kryesorja është prishja e pazareve të drogës ku po hetohet dhe aktiviteti i 32-vjeçarit jashtë shtetit.

32-vjeçari u ekzekutua pasditen e djeshme në lagjen 16 në Durrës rreth orës 17:20 me breshëri automatiku. Ai është qëlluar me dy plumba, një në kokë dhe një në gjoks sapo ka zbritur nga makina e tij ndërkohë që autorët janë larguar menjëherë nga vendngjarja.

Krahas hetimit për prishjen e pazareve të drogës, autoritetet shqiptare po hetojnë dhe dy pista të tjera, atë të konflikte jashtë shtetit, kjo e përforcuar edhe nga fakti  viktima kishte ndryshuar edhe emrin. Pista tjetër është sherr i ditëve të fundit që ka agravuar deri në ekzekutimin e të riut.

Rendit zhvillimet sipas orarit:
Ora 13:01
Foto/ Kush është 32-vjeçari me 2 emra i cili u ekzekutua në Durrës

1611575421_viktimadurres001.jpg

Ky është 32-vjeçari me 2 emra, Edmir Bregu i njohur ndryshe si Ilir Kuçi i cili u ekzekutua mbrëmjen e djeshme në lagjen 16 në Durrës.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Genti: 26/01/2021 02:01

    Paç Rahmet o Lok djali, qofsh i xhehnetit e te qofte dheu i lehte,

    Përgjigju
  • Iris: 26/01/2021 01:21

    Kuksiani me dy emra, i << durrisizuar>> dhe me Porsche Cayene ??!!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!