POP 5

Lajmet më të lexuara të 5 minutave të fundit

Kronikë

Ekzekutimi i Pllanajt në Shkodër/ Autorët i bënë pritë afër shtëpisë, e qëlluan në lëvizje për rreth 150 metra, mori 30 plumba në trup! FOTO nga makina e bërë 'shoshë'

Ekzekutohet në një atentat pranë shtëpisë, biznesmeni Bardhok Pllanaj në Shkodër, i cili është qëlluar me 30 plumba kallashnikovi në trup, teksa lëvizte me makinën e tij. 7 vite më parë, i dyshuar si trafikant narkotikësh, ai arriti t'i shpëtonte policisë pasi u fsheh në automjetin e ish-deputetit Mark Frroku, edhe pse ky i fundit e ka mohuar. Deri më tani nuk ka asnjë person të shoqëruar.

SHKODËR- 30 plumba i ka marrë në trup, Bardhok Pllanaj, si pasojë e të cilave humbi jetën, pas një atentati të mirë organizuar ndaj tij mbrëmjen e djeshme në lagjen Dobraç të qytetit të Shkodrës. Autorët u siguruan mirë që Pllanaj të mos dilte i gjallë nga mjeti i tij, tip 'Range Rover' pasi u qëllua me breshëri kallashnikovësh, duke zbrazur 2 karikatorë me të paktën 60 plumba.

Atentati ndaj tij ishte i mirëorganizuar, ku autorët i zunë pritë shumë pranë banesës së tij në Shtoj të Ri, dhe e qëlluan në lëvizje përrreth 150 metra, duke e bërë makinën 'shoshë' nga plumbat, siç shihet edhe në foton e sjellë nga Report Tv. Mes breshërish së plumbave, njëri e ka kapur në kokë dhe në zemër duke i marrë jetën në vend 46-vjeçarit, i njohur ndryshe i "Kumbari" i Shkodrës.

Makina e bërë shoshë nga plumbat

Autorët, të cilët nga mënyra se si është ekzekutuar Pllanaj, mendohen të kenë qenë 3, janë larguar me shpejtësi nga vendi i ngjarjes, e teksa vetëm pak metra larg vendit ku u qëllua 46-vjeçari u gjend një makinë e djegur dhe 2 kallashnikovë. Report TV mëson se policia ka sekuestruar kamerat në zonën ku u ekzekutua Pllanaj, të cilët mund të ndihmojnë në zbardhjen e skemës të ekzekutimit, si edhe në identifikimin e autorëve. Edhe pse është ende herët, pista kryesore në tryezën e grupit hetimor është hakmarrja nisur nga dënimet dhe e shkuara e tij. Deri më tani nuk ka asnjë person të shoqëruar.

1617610222_aa.jpeg

Makina e autorëve

Kush ishte Bardhok Pllanaj?  I ekzekutuari në Shkodër, biznesmeni Bardhok Pllanaj është një emër i njohur për policinë. 7 vite më parë, i dyshuar si trafikant narkotikësh, Pllanaj arriti t'i shpëtonte policisë dhe u fsheh në automjetin e ish-deputetit Mark Frroku. Ngjarje kjo e cila trazoi politikën katër vite më parë si një skandal i përmasave të mëdha, por që Frroku e mohoi një gjë të tillë. Nga ana tjetër, ishte raporti i oficerëve të gjurmimit në sektorin e narkotrafikut ku shkruhet se ai ka lëvizur nga lokal “Antika” në Tiranë drejt Laprakës me automjetin "Audi" në pronësi të deputetit. 46-vjeçari ishte në kërkim policor në 2014-ën i dyshuar për trafik droge. 

I njohur ndryshe si "Kumbari" i Shkodrës, Pllaja mbahej në vëzhgim prej disa kohësh si i përfshirë në trafik droge për llogari të operacionit “Lugina Vilunit”, ku u sekuestruan rreth 804 kg drogë e lloji kanabis në momentin kur po tentohej të trafikohej drejt Italisë me gomone. Droga u hodh nga trafikantët në det në vendin e quajtur Rana e Hedhun në Shëngjin pasi ata panë shërbimet e policisë. Koka i trafikut u dyshua pikërishit biznesmeni Bardhok Pllanaj.

1617610191_PLLANAJ.jpg

Bardhok Pllanaj

 

 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sot Kukësi sfidon Egnatian në finalen e Superkupës, rrogozhinasit kërkojnë 'tripletën'

Sot Kukësi sfidon Egnatian në finalen e Superkupës, rrogozhinasit kërkojnë 'tripletën'

26 Dhjetor, 08:42