Ekzekutimi i ‘Mond Çekiçit’, policia lë të lirë mbi 20 të shoqëruarit! 43-vjeçari, pak sekonda para se të merrte 6 plumba në trup, i tha vrasësve të tij: Hapni rrugën gangstera

Mond Çekici as që duhej ta kishte çuar nëpër mend se disa sekonda më vonë do të ekzekutohej kur u tha dy të maskuarve në makinën e tyre, vetëm 3 m larg, hapni rrugën gangestera.

Prita ishte e qëllimshme dhe mbi 43 vjeçarin u dërdhën breshëri plumbash kallashnikovi. E gjitha ndodhi për 20 sekonda, në lagjen 16 të Durrësit, aty ku banonin prindërit e tij. Ish anëtari i banës së Durrësit mori 6 plumba në trup për shkak se kishte hapur derën e makinës çastin kur sulmoi verbalisht ata që e kishin marrë shënjestër, trupi u shemb jashtë në tokë.

24 orë pas vrasjes që tronditi qytetin bregdetar, policia ka shoqëruar më shumë se 20 persona. Pas marrjes në pyetje ata u lënë të lirë pasi nuk kanë ndihmuar shumë grupin hetimor në lidhje me ekzekutimin e Çekiçit. Të shoqëruarit kryesisht familjarë të viktimës dhe persona që mund të kishin dijeni për ngjarjen.

Autorët kanë qenë dy, të kamufluar me veshje ushtarake dhe të maskuar me shall e kapuç. Pas të shtënave janë larguar me makinën e tyre “Benz” të zi, ndërsa e dogjën në fshatin Kantund i Sukthit  “Benz-i” i zi ishte me targa të vjedhura në Tiranë dhe brenda u gjet një armë e krimit tip kallashnikov AK-47, e cila dyshohet të jetë blerë jashtë vendit.

Policia ka ushtruar kontrolle në disa zona në Durrës, por deri tani akoma nuk ka rënë në gjurmët e autorëve të vrasjes. Pista kryesore e hetimeve është e kaluara e 43-vjeçarit. Mond Çekiçi ishte shoku i ngushtë i Edmir Bregut, nga Kukësi, i cili gjithashtu është ekzekutuar dy muaj më parë po me breshëri kallashnikovi në po të njëjtin vend ku u vra Çekiçi.

Ai konsiderohej nga policia e Durrësit si person me rrezikshmëri, pasi jo vetëm që ishte pjesë përbërëse e një klani kriminal në qytetin bregdetar, por rezulton të jetë dënuar disa herë për akuzën e mbajtjes pa lejë të armëve dhe kundërshtimit të forcave të policisë. 

Në muajin maj 2009 Edmond Koçi, u dënua me 2 vite burgim për akuzën e “Mbajtjes pa lejë të armëve”. Në një raport të ministrisë së brendshme të vitit 2016 thuhej se Çekiçi është pjesë shoqërore me Lulzim Berishën, Emiljano Shullazi, Plarent Dervishajn, Marjel Fierzajn, Julian Meçajn, Bashkim Haxhiaj dhe persona të tjerë.

 

Rendit zhvillimet sipas orarit:

Të Fundit Të Parat

M.Q./K.T./Shqiptarja.com

TAG:
• Durres
• policia
• lul berisha
• vrasje me armë zjarri
• edmond koci
• mond cekici
• edmir bregu
• vrasja e mond cekicit