POP 5

Lajmet më të lexuara të 5 minutave të fundit

Ekzekutimi i Pjerin Xhuvanit, shtyhet sërish seanca ndaj Arbër Paplekaj! Avokatët kërkojnë të njihen me dosjen hetimore

Ndonëse kanë përfunduar hetimet nga prokuroria, është shtyrë seanca gjyqësore ndaj Arbër Paplekaj. Avokatët kanë kërkuar të njihen me dosjen hetimore të anëtarit të grupit të armatosur të PD për mbrojtjen e votës, i akuzuar për vrasjen e Pjerin Xhuvanit.

ELBASAN - Ndonëse kanë përfunduar hetimet nga prokuroria, është shtyrë seanca gjyqësore ndaj Arbër Paplekaj. Avokatët kanë kërkuar të njihen me dosjen hetimore të anëtarit të grupit të armatosur të PD për mbrojtjen e votës, i akuzuar për vrasjen e Pjerin Xhuvanit. Nën hetim për këtë ngjarje kanë qenë edhe dy zv.drejtorët e policisë Nikollaq Pallën, Albert Nushin dhe 6 policët e forcave 'Shqiponja' për shpërdorim detyre.

Avokatët kanë qenë në grevë dhe kanë bojkotuar seancat kur janë mbyllur hetimet, ndaj është vendosur që të shtyhet seanca gjyqësore për një tjetër datë, e cila nuk është përcaktuar. Para mediave, një prej avokatëve u shpreh se seanca është shtyrë për arsye proceduriale.

Pjerin Xhuvani mbeti i vrarë në Elbasan pasi u qëllua me armë nga Arbër Paplekaj, shoqëruesi i kreut të listës së Partisë Demorkatike, Gazmend Bardhi.

Nga ngjarja e 21 prillit, të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota ( punonjëse e policisë). Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje pasi u qëllua më parë nga persona që sipas tij po blinin vota. Ngjarja zbuloi edhe skandalin e PD-së për ngritjen e një grupi të armatosur, të vetëshpallur Struktura për Mbrojtjen e Votës, ku një pjesë e mirë e anëtarëve të së cilës rezultuan persona të njohur edhe për strukturat ligjzbatuese në vend. Këtë e bëri publik me zë dhe me figurë Sekretari i Përgjithshëm i Partisë Demokratike, Gazment Bardhi duke bërë me dije se Arbër Paplekaj që vrau Xhuvanin të paarmatosur, ishte pjesë e kësaj strukture.

Roli i Albert Nushi dhe Nikollaq Palla në vrasjen e Pjerin Xhuvanit

Albert Nushi dhe Nikollaq Palla kanë qenë të parët që kanë mbërritur në vendin e ngjarjes, atëherë kur kishte nisur konflikti verbal mes Strukturës së Armatosur të PD-së dhe Pjerin Xhuvanit. Kjo strukturë pretendonte se Xhuvani po blinte votat në favor të PS-së, prandaj kishin njoftuar policinë. Më pas, përplasja me armë nisi në sy  të Nushit dhe Pallës. Në dëshminë e publikuar më herët në media, ato kanë dhënë sqarime se si nisi konflikti i armatosur.

Kush është Albert Nushi, ish zv.drejtori i Policisë së Elbasanit, i përfshirë edhe në dosjen ‘Babale’

Dëshmitarët në vendin e ngjarjes deklaruan aso kohe se Albert Nushi, si edhe disa vartës të tij, u larguan me vrap, sapo ndërmjet palëve në konflikt nisi debati, i cili përfundoi me përdorimin e armëve. Raportohet se një nga grupet në momentin kur ndodhi përplasja me armë, i kanë vënë fillimisht pistoletën në kokë nëndrejtorit të Policisë së Elbasanit për Rendin, Nikollaq Palla. Ky informacion i publikuar nga mediat ende nuk ka një konfirmim. Sipas mediave këtë veprim e kanë parë të gjithë policët që ishin prezent në ngjarje dhe asnjëri nga policët nuk ka reaguar.  Edhe në dëshminë e tij Nikollaq Palla nuk e ka treguar këtë fakt dhe akuzohet për deklarim të rremë dhe shpërdorim detyre. Ndërkohë, Nushi ka rezultuar edhe në dosjen Babale. Ai ka deklaruar para trupit gjykues se njohja e tij me Fredi Alizotin vinte për shkak të detyrës, dhe se ai i kishte rrëfyer se ka interpretuar zërin e vëllait të ish-ministrit të Brendshëm Fatmir Xhafa, Geron apo Agron Xhafës në përgjimet e dosjes 'Babalja'. Ai është shprehur se me Alizotin nuk ka komunikuar më shumë se 3 herë përmes telefonit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Olsi: 16/09/2022 14:19

    KY PAPLEKA ESHTE VRASES ME PAGESE....LA PUNEN(10000 $ NE MUAJ) SI ROJE E AMBASADORES QE TE BENTE PUNE VULLNETARE PER PD/LSI?? KA 4 FEMI -REZIKON BURG TE PERJETSHEM DHE REFUZON MARVESHJET NGA PROKURORIA(MERE ME MEND SA VETA KA VRAR KY)...BESON TE LOJRAT E AVOKATEVE....QE DO TI SHTRYDIN GJITH LEKET....KY DO MARI 30 VJET BURG,GRUAJA DO GJEJ NDO NJE DASHNOR,AI NE BURG -GRUAJA NE PARIS ME DASHNORIN......BRAVO PAPLEKA...RROFTE SALA....RROFTE LIKJA....

    Përgjigju
  • Tee: 16/09/2022 10:54

    Fajin e ka pase xhuvani. Turp i madh te denohet Papleka. Xhuvani u tregua injorant dhe skishete pse perplasej me arme me askend. I miljonat e eurove rrugash dhe ja hane jaronat

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

24 Nëntor, 07:35