Elbasan, arrestohen dy personat
që vendosnin eksploziv/ Emrat

ELBASAN-Zbardhen dy  ngjarjet e ndodhura muajin e fundit për dy rastet e vendosjes së lëndës eksplozive tritol, ndërsa janë vendosur në pranga dy persona.
 
Të arrestuar janë Gentian Kllogjri 38 vjeç dhe Thanas Thoma 38 vjeç, të dy banues në Elbasan.
 
Dy të arrestuarit akuzohen për vendosjen e eksplozivit në dy raste; Më datë 06.05.2017 në Lagjen ‘Luigj Gurakuqi” poshtë mjetit në pronësi të Fuad Verzivollit.
 
Lënda eksplozive ishte vendosur me qëllim shpërthimin e automjetit në pronësi të Fuad Verzivolli që ndodhej i parkuar pranë Teatrit Skampa’
 
Ndërsa më datë 22.05.2017 në lagjen “Emin Matraxhiu” në shkallët e një lokali në pronësi të Besnik Brakës, që njihet edhe me emrin Nik Vojaçek.
 
 52-vjeçari është një emër i njohur për Policinë pasi është dënuar më parë për trafik armësh, prodhim dhe shitje narkotikësh, armëmbajtje pa leje dhe falsifikim dokumentash.
 
Besnik Braka është ekstraduar në tetor të 2013-së nga Gjermania drejt Shqipërisë.
 
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkatërrimi i pronës me eksploziv, mbetur në tentativë”  dhe “Prodhimi dhe mbajtja pa leje e armëve luftarake dhe e municionit” parashikuar nga nenet 152, 22 dhe 278/1 të  Kodit Penal.

dy.b/shqiptarja.com

/Shqiptarja.com