/ATSH-Miranda Sadiku /- Drejtoria e Policisë së Qarkut të Elbasanit, edhe këtë fund vit, ka organizuar një ceremoni për të kujtuar të rënët e rënë në krye të detyrës në qarkun e Elbasanit.

Në këtë kuadër shumë biznese të ndryshme që operojnë në Elbasan kanë sponsorizuar për të ndihmuar këto familje në festat e fundvitit.
Nëndrejtori i Policisë Niko Palla pasi ka uruar të gjithë familjet e Policive të rënë për një vit sa më të mbarë deklaroi se " ne vlerësojmë aktin sublim të punonjësve të Policisë të rënë në krye për shkak të detyrës, për të ruajtur rendin dhe qetësinë", ndërsa ka shprehur mbështetjen e Policisë së Shtetit për fëmijët e Policëve të rënë pasi ata janë simbol i vendit.

Në këtë ceremoni kanë marrë pjesë edhe prefekti i qarkut Arben Kamami si edhe kreu i bashkisë Qazim Sejdini të cilët kanë uruar familjet e Policisëve të rënë si edhe ngritën lartë figurat e tyre.

Më pas janë shpërndarë dhurata që konstatojnë në ushqime, televizorë, si edhe në vlerë monetare për familjet e të rënëve të Policisë.
Në qarkun e Elbasanit kanë rënë në krye të detyrës Kristaq Begu, me detyrën e agjentit të policisë kriminale, i cili në përpjekje për të kapur kriminelin është vrarë në vitn 2007.
Florenc Balla ish efektiv i policisë, me detyrën e agjentit të policisë kriminale, i vrarë në vitin 2003 tashmë i shpallur dëshmor.
Ismail Zika ish efektiv në Komisariation e Policisë Librazhd me detyrën e punonjësit të poLicisë së rendit, u plagos në datë 20.04.1997 dhe ka vdekur disa ditë më vonë.
Vladimir Cala ish efektiv i Komisariatit të Policisë Gramsh vrarë bashkë me bashkëshorten e tij në korrik të vitit 2007.

Oltion Sulovari civil, vrarë duke ndihmuar organet e policisë së shtetit Dëshmor i Atdheut, dhe së fundmi Polici Zabit Caka, i vrarë në përpjekje për të ndaluar vjedhjen e transformatorit në një fshat të Peqinit