POP 5

Lajmet më të lexuara të 5 minutave të fundit

Kronikë

Elbasan/ Greqia e kishte dënuar me burg përjetë për narkotrafik, arrestohet 54-vjeçari i kërkuar prej 2016! Shqipëria ia konvertoi në 20 vite izolim (EMRI)

Gjykata e Apelit të Krimeve të Rënda në Kretë kishte marrë vendimin e rëndë në mungesë ndaj Agron Çakallit tetë vite më parë. Në prill të këtij viti Gjykata e Apelit në Tiranë e konvertoi në dy dekada izolim, do e vuajë pas arrestimit të sotshëm

Elbasan- Një i dënuar me burgim të përjetshëm nga Greqia për narkotrafik, por i konvertuar në dy dekada izolim nga drejtësia shqiptare, është arrestuar sot (3 Shtator) nga Policia e Elbasanit, pasi ishte edhe në listën e të kërkuarve të Interpol Athinës.

Burime zyrtare konfirmuan se gjatë operacionit të koduar “Convert”, lokalizuan dhe prangosën të kërkuarin Agron Çakalli, 54 vjeç, banues në këtë qytet.

Nga dosja hetimore rezulton se shqiptari është dënuar në mungesë nga Gjykata e Apelit e Krimeve të Rënda në Kretë të Greqisë më 2 Dhjetor 2016, me burgim të përjetshëm për “trafik të lëndëve narkotike” dhe “kultivim i bimëve narkotike”.

Greqia ka transferuar dosjen drejt Shqipërisë dhe më 17 prill 2024, Gjykata e Apelit e ka njohur dënimin e vendit fqinj, duke e konvertuar në 20 vite izolim, nga mori edhe emrin operacioni në fjalë. Palët kanë rënë dakord që ky dënim të bëhet në vendin tonë pas arrestimit.

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PD gris mesazhin e Begajt për sesionin e ri parlamentar, si e vlerësoni?

Lajme të tjera



×

Lajmi i fundit

Autokolona e stafit të kandidatit për zv/president të SHBA dhe medias përfshihen në aksident! Ja si paraqitet gjendja e Walz, po shkonte për miting

Autokolona e stafit të kandidatit për zv/president të SHBA dhe medias përfshihen në aksident! Ja si paraqitet gjendja e Walz, po shkonte për miting

3 Shtator, 14:06