Elbasan/ I vuri zjarrin makinës më 23 Janar, arrestohet 36-vjeçari me precedentë penalë! Kamerat e tradhtuan, krimi për motive të dobëta (EMRI+VIDEO)

Elbasan- U dyshua për një djegie aksidentale fillimisht, por gjatë hetimeve dhe zbulimit të pamjeve të kamerave të sigurisë u konstatua se bëhej fjalë për një akt kriminal.

Policia e Elbasanit informoi sot (30 Janar) se finalizoi aksionin e koduar "The last fire" (Zjarrvënia e fundit). Identifikohet dhe arrestohet autori i dyshuar, Gerti Mustafa, 36 vjeç, person me precedentë penalë të mëparshëm dhe i skeduar nga blutë. 

Ngjarja ka ndodhur më 23 Janar të këtij viti, në lagjen "Aqif Pasha".

“Fillimisht u dyshua aksidentale, por bazuar në provat e administruara dhe në inteligjencën policore, kanë organizuar dhe finalizuar operacionin policor. Si rezultat i operacionit u arrestua në flagrancë shtetasi G. M., 36 vjeç, (Gerti Mustafa), banues në Elbasan, i dënuar më parë për disa vepra penale”, bëri me dije policia vendore.

Gazetari i Report TV, Ronaldo Gjoshi, informon se nga veprimet hetimore dyshohet se 36-vjeçari, për motive të dobëta, ka djegur me lëndë djegëse (benzinë), një automjet të parkuar, në pronësi të shtetasit S. M. Nga përhapja e flakëve u dogj pjesërisht dhe një automjet tjetër i parkuar aty pranë. 

Ngjarja i ka kaluar për hetime të mëtejshme prokurorisë vendore, me akuzën “shkatërrimi i pronës me zjarr".

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Shkurt, 07:09

    Sulmet nga Berisha, sipas jush a rrezikon SPAK të shkrihet?



×

Lajmi i fundit

'Të del shpirti, po s’ke treg', Laureta Lemezhi rrëfen jetën me sakrifica në Blinisht: Pas punëve të fshatit, bëj sapunë

'Të del shpirti, po s’ke treg', Laureta Lemezhi rrëfen jetën me sakrifica në Blinisht: Pas punëve të fshatit, bëj sapunë