ELBASAN - Policia e Elbasanit ka arrestuar në flagrancë 3 persona, mes të cilëve një grua, si dhe janë sekuestruar 7.2 kg kanabis sativa. Në kuadër të finalizimit të operacionit “Funari”, në pranga kanë rënë Ardian Kojku 20 vjeç, Fatmir Kojku 42 vjeç, si dhe Mimoza Balazi 44 vjeçe, që të tre banues në  Librazhd.

Sipas policisë, arrestimi i tyre ka ardhur pasi gjatë kontrollit në banesë u është zbuluar dhe sekuestruar një sasi prej 7.2 kg lëndë narkotike e llojit kanabis sativa.

Materialet në ngarkim të tyre i kanë kaluar Prokurorisë së Elbasanit për procedime të mëtejshme penale. 

Redaksia Online
(e.c/shqiptarja.com)