Elbasan-Leskaj: Reforma territoriale solli ngadalësim në zhvillimin e pushtetit vendo

/ATSH/ Miranda Sadiku.-  Kryetari i Kontrollit të Lartë të Shtetit Bujar Leskaj deklaroi të hënën se, reforma administrative - territoriale, ka sjellë ngadalësimin në zhvillimin e pushtetit vendor dhe të ardhurave nga buxheti i shtetit.
Deklarata e z. Leskaj u bë gjatë punimeve të seminarit "Performanca e Auditimeve të Performancës", organizuar nga KLSH në bashkëpunim me Universitetin "Aleksandër Xhuvani", Elbasan.
Ndikimi i reformës administrative në zhvillimin e pushtetit vendor u evidentua gjatë auditeve të zhvilluara nga KLSH-ja. Ndër të tjera, sipas Leskajt, nga auditet del në pah se Shqipërisë i nevojitet ndarja administrative, duke u bazuar në evidenca të qarta mbi studime të efiçensës dhe efektivitetit të njësive vendore në realizimin e objektivave për rritjen e shërbimeve ndaj komunitetit.
Duke u ndalur tek auditimi i performacës, Leskaj tha se "auditimi i performancës nuk ka synim të ndërhyjë në çështjet qeveritare". Sipas Leskajt, KLSH auditon zbatimin e politikave por nuk krijon politika. Duke u ndalur tek sfidat kryesore të KLSH-së, Leskaj shtoi se sfida kryesore është modernizimi i institucionit dhe në fokusin tonë kryesor është auditimi i performancës. Në këtë kuadër, ai informoi se janë bërë auditime të performancës në reformat qeveritare, çështjet ekonomike, etj.
Sipas Leskaj në auditimet e KLSH-së ka rezultuar se reforma administrative - territoriale ka sjellë ngadalësim të shërbimeve vendore. "Nuk janë kryer në cilësinë e duhur shërbimet ndaj qytetarit", tha ai. Gjithashtu KLSH ka vërejtur parregullsi e të meta në punën e OSHEE-së, cilësinë e ushqimit në Qendrën Spitalore Uiversitare " Nënë Tereza", shërbimin parashkollor, etj