POP 5

Lajmet më të lexuara të 5 minutave të fundit

Kronikë

Elbasan, ndotja nga Kurum, Bashkia 
nis ndërtimin e impiantit të mbetjeve

Ndotja nga mbetjet urbane dhe industriale është problematika kryesore e Elbasanit. Por ndyrshe nga KURUM i cili nuk shqetësohet aspak për ndotjen e shkaktuar, Bashkia e Elbasanit ka filluar ndërtimin e impiantit për eleminimin e mbetjeve, process nga i cili do të prodhohet energji.  VIDEO
Elbasan, ndotja nga Kurum, Bashkia <br />nis ndërtimin e impiantit të mbetjeve
ELBASAN - Ndotja nga mbetjet urbane dhe industriale janë një fenomen gangrenë në Elbasan. Por ndryshe nga Kompania KURUM e cila nuk po merre asnjë masë për katastrofën ekologjike që ka shkaktuar përgjatë bregut te lumit Shkumbin, Bashkia e Elbasanit e ka gjetur një zgjidhje për mbetjet urbane.

Ky institucion ka nisur ndërtimin e një impiantit të përpunimit të mbetjeve urbane. Mjetet e para kanë filluar punën me kanalizimet e Dampës që do të shërbejë për të grumbulluar seleksionuar dhe përpunuar mbetjet urbane të një territori më të madh se bashkia Elbasan.

Tabela e kantierit të ndërtimit tashmë është e vendosur duke ndezur një dritë të fuqishme shprese për të gjithë banorët e Elbasanit.

Por është menduar edhe për më tepër se thjeshtë eleminimi i mbjetjeve. Impianti, i cili do të ndërtohet në vendin e quajtur 'Dampa e Tecit' do të përdoret për prodhim energjie nga djegia e mbeturinave.

Investimi do të kushtojë nga 15 milionë deri në 20 milionë euro. Financuesi kryesor i këtij impianti do të jetë Belgjika, dhe projektuese e këtij impianti do të jetë një kompani po ashtu nga ky shtet.

Impianti i përpunimit të mbetjeve do të bëjë edhe filtrimin e ujërave të zeza, që është një nga shkaktarët kryesorë të ndotjes së ujit të lumit Shkumbin.

Por ndërsa Bashkia në bashkëpunim me qeverinë po zgjidh problemin e mbetjeve urbane, mbetjet e kompanisë Kurum hidhen jo shumë metra larg, pa zbatuar asnjë kriter mjedisor buzë lumit Shkumbin.

Redaksia online
(f.m/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51