Elbasan, restoranti 'provokon' 
qeverinë, i kthen në 'peshq'/Foto

Qeveria është akomoduar në një kompleks turistik në periferi të Elbasanit, për të zhvilluar mbledhjen dy ditore, një praktikë kjo e përmuajshme. 

Në mbledhjen e ditës së parë kryeministri Edi Rama komunikoi vendimet e marra kryefjalë e të cilave mbeten investimet në infrasturkturë. Premtimi i kreut të qeverisë ishte se autostrada Tiranë-Elbasan do përfundojë brenda këtij viti. Por, ajo që ka tërhequr vëmendjen në kompleksin ku është akomoduar qeveria është një foto e "peshqve" të kabinetit qeveritar të cilën e ka siguruar Shqiptarja.com, ndërsa kryeministri është konceptuar si njeriu me çengel i cili i 'kap' dhe i kontrollon.



(Montazhi pikant i kompleksit për "peshqit" e qeverisë)

Të gjithë ministrat janë kthyer në "peshq". Nuk është e qartë nëse është një shaka e pritësit të qeverisë, Gjergj Luca, apo me lejen e vetë kabinetit, veçanërisht kryeministrit Edi Rama. "Peshqit e mëdhenj" është metafora e përdorur fillimisht nga ambasadori amerikan në Tiranë Donald Lu, kur u shpreh se do prangoseshin gjatë muajit janar, duke nënkuptuar njerëz të botës së krimit dhe të korruptuar.

Dhe pikërisht kjo metaforë është shndërruar në batutë dhe humor në rrjetet sociale e më gjerë e do jetë e tillë të paktën derisa një "peshk i madh" të bjerë në rrjetën e ligjit. 

Redaksia Online
l.q/Shqiptarja.com