Elbasan- Katër shtetas u kapën në flagrancë me doza heroine dhe kokaine, në 2 lagje të qytetit të Elbasanit. Policia informon se 3 prej të arrestuarve ishin me precedent të mëparshëm kriminal në fushën e narkotikëve dhe të vjedhjes.
“Nga veprimet hetimore ka rezultuar se këta shtetas, pasi e siguronin lëndën narkotike, e ndanin në doza, të cilat i shitnin në afërsi të shkollave dhe në ambiente të ndryshme të qytetit të Elbasanit” informoi sot policia e Elbasanit.
Në lagjen “Skenderbej”, shërbimet e Forcës Operacionale konstatuan tre banues në Elbasan, Ervis Kuka, Embrah Peqini, Mariglen Beti të cilëve gjatë kontrollit fizik dhe kontrollit në ambientin ku ata po qëndronin, iu gjetën doza të lëndëve narkotike heroinë dhe kokainë. Gjithashtu, po për këtë rast u referuan materialet në prokurori ku nisi procedimi në gjendje të lirë një 33 vjeçar pasi dyshohet i përfshirë në këtë veprimtari kriminale.
Në lagjen “Partizani”, gjatë kontrollit fizik dhe kontrollit në automjetin e një 36 vjeçari, Gentian Tartari “Shqiponjat” gjetën doza të lëndëve narkotike kokainë dhe heroinë.
Arrestimi i tyre u krye në kuadër të megaoperacionit "Tempulli 2". Rezulton se Ervis Kuka, Embrah Peqini dhe Gentian Tartari të kenë precedentë penalë dhe në vjedhje
Dozat e lëndëve narkotike heroinë dhe kokainë dhe 1 automjet që dyshohej se përdorej për këtë veprimtari kriminale u sekuestruan në cilësinë e provës materiale.
Një 56-vjeçar ka rënë në pranga në kuadër të operacionit "Tempulli 2" në Tropojë.
Policia arrestoi në flagrancë shtetasin M. C., 56 vjeç, banues në fshatin Zherkë.
Nga kontrolli në banesën e tij, u gjetën disa bimë narkotike cannabis sativa, në proces tharjeje, të cilat u sekuestruan nga shërbimet.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
FIER- Katër persona janë vënë në pranga të policisë në Fier në kuadër të operacionit Tempullit2.
Si rezultat, në lagjen "Apollonia", u kapën dhe u arrestuan në flagrancë shtetasit Mirel Saliaj, 33 vjeç, Enri Zadrima, 39 vjeç, Fadil Shehu 34 vjeç, dhe Miklodjan Çuko, 41 vjeç, të katërt banues në Fier .
Gjatë kontrollit personal dhe më pas në banesat e tyre, policia gjeti dhjetëra doza me lëndë narkotike kanabis dhe kokainë gati për shitje.
Nga verifikimet e kryera ka rezultuar se këta shtetas e siguronin lëndën narkotike në sasi dhe pasi e ndanin në doza, i shitnin ato në qendër të qytetit, në afërsi të lumit Gjanica.
Lënda narkotike, 3 peshore elektronike dhe 4 aparate celulare, u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Lajme të tjera
-
Vranë bashkëmoshatarin e tyre në Gramsh, Gjykata e Elbasanit jep dënimin për 4 adoleshentët! 46 vite burg në total
29 Prill, 18:40
-
VIDEO/ Lëvizja e tregut aktual, tregtarët e Belshit në protestë, hyjnë me forcë brenda bashkisë
29 Prill, 11:19
-
Plas sherri në lokalin në Elbasan, pasi pinë alkool, 3 të rinjtë rrahin të miturin! Kamarieri dhunon 18-vjeçarin! Në hetim pronari
28 Prill, 16:52 -
Kryen parakalime të gabuara në dalje të autostradës Tiranë-Elbasan, gjobiten 18 shoferë (VIDEO)
28 Prill, 16:20 -
Arrestohet njëri prej autorëve të konfliktit në Peqin, ishte tentativë vrasjeje, i pranishëm ishte dhe kryebashkiaku
27 Prill, 11:12 -
U arrestuan për atentatin e dështuar ndaj Otit të Elbasanit, SPAK kërkon pushimin e hetimeve për miqtë e Erjon Alibejt
26 Prill, 17:24
-
Poeti arbëresh që ruajti traditat flet shqip në Përrenjas: Nuk mjafton një jetë për nostalgjitë e mëdha
25 Prill, 13:59
-
I dënuar me 3 vite burg për armëmbajtje pa leje, arrestohet 35-vjeçari në Elbasan! Në kërkim edhe për dhunë në familje
25 Prill, 11:11 -
Trupi i pajetë i 58 vjeçarit gjendet në ujrat e rezervuarit të Prrenjasit, familjarët kallëzuan në polici në 1 të natës
25 Prill, 11:07 -
Në kërkim për vrasje, ekstradohet nga Mbretëria e Bashkuar 34-vjeçari
25 Prill, 09:53 -
Morën para për të favorizuar një ndërtim pa leje, shpallen në kërkim kryeinspektori e inspektori i IMT Elbasan (Emrat)
23 Prill, 20:16 -
Përplasi për vdekje këmbësorin, arrestohet 65-vjeçari në Elbasan! Ishte dënuar në me 2 vite e 6 muaj burg
23 Prill, 10:24
