ELBASAN - Studentët e Fakultetit të Shkencave Humane në Universitetin “Aleksandër Xhuvani” në Elbasan kanë nisur një protestë kundër uljes së kuotave të nivelit të dytë studimor, master.
 
Më të prekur janë studentët e degës Gjuhë-Letërsi, që në pjesën më të madhe kanë mbetur jashtë listës së fituesve.
 
Ata kërkojnë nga ministria e arsimit rritjen e kuotave në master profesional.
 
Janë mbi 100 studentë që mbarojnë sistemin bachelor dhe nga këto janë pranuar për të vijuar studimet në nivelin master vetëm 35.
 
Sipas studentëve fakulteti ka ulur kuotat në bazë të një njoftimi nga ministria e Arsimit edhe pse ata që kanë mbetur jashtë e plotësojnë mesataren e kërkuar.
 
Studentët e shkencave Humane deklarojnë se do të vazhdojnë protestat madje edhe para ministrisë së Arsimit për rritjen e kuotave të nivelit maste
 
Redaksia Online
(a.h/shqiptarja.com)