Gjatë një lidhje telefonike për Report Tv, Gjoza tha se ndjeu detyrim moral për t’u larguar nga posti, ndërsa shprehu besimin se Romela është e pafajshme. Ai paralajmëroi se Federata Shqiptare e Peshëngritjes do hedhë në gjyq Federatën Botërore.
"Nuk besoj se Romena Begaj është e fajshme, por duke ndjerë si qytetar gjykova anën morale, kam dhënë dorëheqjen. Për mendimin tim, unë jam i shokuar, Romela për mua është e pastër, është sportiste profesioniste, nuk mund të merrte një substancë që e ka përdorur para 2-vitesh.
Ne do ta ndjekim nga afër çështjen e sportistes shqiptare deri në gjyq me Federatën Botërore. Dyshimi i madh është se substanca rri rreth 7 muaj në trup dhe prandaj jemi dyshues. Për ne Romela është e pafajshme.
Nuk do lëmë gjë pa bërë për Romelën. Ka pasur shumë sportiste në botë që në testin B kanë dalë negativë. Të presim dhe të mos flasim parakohe”.
Redaksia Online
l.q/Shqiptarja.com