Elezi në ‘Repolitix’: Berisha i kompleksuar nga SHBA! Murrizi: Shumica s’e kupton kauzën e ish-kryeministrit! Muça: Incidenti në seli ndodhi nga dështimi i protestës

Incidenti i sotëm në PD ku një nga dyert e zyrave të selisë blu u shqelmua nga një mbështetës i ish-kryeministrit Berisha dhe situata në këtë parti, ishte temë diskutimi këtë mbrëmje në emisionin 'Repolitix' të gazetarit Denis Minga në Report Tv. Gjithashtu u diskutua edhe për protestën e djeshme e cila ishte thirrur nga ish-kryeministri Berisha. Të ftuar në studio, ish-deputeti Myslim Murrizi, gazetari Alban Daci, ish-anëtari i Këshillit Kombëtar të PD, Ibsen Elezi dhe gazetari Flogert Muça ndanë mendime të ndryshme për situatën e tensionuar në Partinë Deokratike.

Elezi është i mendimit se dera e zyrës në selinë e PD nuk duhet të ishte thyer ndërsa për protestën e djeshme të ish-kryeministrit Berisha, tha se nga numri i pjesëmarrjes, edhe mund ta quash të dështuar, por protesta nuk u mbyll pa dhënë një mesazh.

“Berisha në këto momente është i kompleksuar nga SHBA më shumë se çdo gjë tjetër. Fakti që G29 dhe Berisha nuk e realizuan që dje ekzekutimin e vendimeve të Kuvendit për shkarkimin e Bashës, nuk mund të nxjerrin justifikime. Problemin e incidenteve e kanë të sajuar. Dilemë e sajuar që mund të ndodhë edhe kjo. Po të shkojnë demokratët te PD, futen brenda dhe dalin. As Basha as Gazi, rrinë aty se e dinë që Berisha s’ka ndërmend të futet në ato zyra.”-tha Elezi.

Gazetari Flogert Muça u shpreh se incidenti i sotëm në PD vjen si pasojë e dështimit të Sali Berishës në protestën e djeshme. Ai deklaroi se Berisha po tregohet i kujdesshëm që të jetë politikisht dhe institucionalisht korrekt ndërsa shtoi se mbyllja e derës mund të jetë dhe një karrem i Bashës për ish-kryeministrin Berisha. Me protestën, sipas gazetarit Muça, Berisha deshi të tregojë që ka ngritur një frymë, por mbetet një protestë spektakël nga dështimi.

“Supozojmë se Basha e ka bërë karrem për Doktorin. Berisha s’duhet ta bënte por e ka bërë ndoshta për inatin e asaj që u bë dje. Dje ka dështuar një protestë e Berishës, në pikën kulminante ku bëri shumë gjëra, përfundoi në një protestë që e organizon dhe një OJF modeste në Tiranë. Për Berishën ishte pak dhe gjithë ky dështim i mbrëmshëm ka shpërthyer sot me atë që pamë. Ishte nervozizëm nga dobësia. Mllefi ose mërzia e demokratëve ndaj Bashës i nxorri vetëm një herë, por kaq.”-tha Muça në Repolitix.

Ish-deputeti Myslim Murrizi është i mendimit se Berisha nuk mund të bëjë protestë 24-orëshe me një kauzë që nuk e kuptojnë 90 për qind e atyre që kanë të drejtë vote në vend. Murrizi u shpreh se Berisha nuk është legjitimuar si kryetar i PD por ka realizuar një Kuvend me shumicë delegatësh për shkarkimin e Bashës ndërsa shtoi se e ka çuar në referendum tek anëtarësia. Ndër të tjera, Murrizi theksoi se Komisioni i Rithemelimit nuk ka caktuar datë zgjedhjesh, dhe në statut nuk e kanë hequr zgjedhjen e kryetarit në variantin e vjetër që zgjidhej nga Kuvendi Kombëtar.

“Nuk e zë gjumi pa i bërë 10 mijë veta tek PD-ja.”-tha Murrizi.

Sali Berisha ka 'pushtuar' edhe një herë sot selinë e PD, ndërsa është futur me dhunë në sallën e mbledhjeve për të zhvilluar mbledhje me të ashtuquajturin Komisioni për Rithemelimin e PD. Menjëherë pasi mbështetësit e tij shqelmuan derën e sallës, Berisha u përball me banderolën ku shkruhej slogani i Bashës që u përdor në Kuvendin Kombëtar të PD 'ne jemi e ardhmja'. 

Partia Demokratike ka kallëzuar Fatjon Dautin, si personin që shqelmoi derën e sallës së mbledhjeve në selinë e PD ku zhvilluan më pas mbledhjen Sali Berisha me të ashtuquajturin Komisioni i Rithemelimit. Sipas PD, Dauti është person me ndikim në një rrjet kriminal shqiptar me qendër në Londër i përfshirë në importimin e kokainës, prodhimin e kanabisit, trafikim të njerëzve dhe pastrimit të parave. Me një njoftim për mediat, PD shprehet se ai u urdhërua nga Flamur Noka për të shpartalluar derën e sallës në selinë e PD.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Shëngjin/ 7 turistë kërkojnë ndihmë, varka e tyre me pedale po fuste ujë 2 milje nga bregu! Shpëtohen nga policia