TIRANË- Kandidati i vetëm përballë Sali Berishës për kreun e PD-së, Ibsen Elezi ka kërkuar shtyrjen me 14 ditë të ditës së zgjedhjeve, kjo sepse sipas tij, afati i lënë në dispozicion (deri 22 maj) nuk i mundëson takimet me bazën e partisë. Mes akuzave për Komisionin e Rithemelimit, se ka keqpërdorur besimin e demokratëve të Kuvendit të 11 dhjetorit, Elezi tha se gara për kreun e PD është e pabarabartë, pa transparencë dhe se nuk dominon debati, ndryshe nga sa është premtuar në çdo "Foltore".
"Situata e rëndë e krijuar në PD, kanë krijuar një imazh drejt shkatërrimit të PD, kuvendi i 11 dhjetorit ishte një shprehje e vullnetit të demokratëve për të ndërtuar një model të ri, konstatoj me keqardhje se premtimet e Foltores për debatin, barazinë në garë, transparencën, eliminimin e kryetarokracisë u shkelën duke kryer një akt tradhtie ndaj demokratëve", tha Elezi.
Prandaj, përveç shtyrjes së zgjedhjeve, ai i kërkoi që takimet elektorale t'i bënte së bashku me Sali Berishën në terren në formën e një debati para anëtarësisë, si edhe largimin nga Komisioni Zgjedhor i dy anëtarëve, kryetares Albana Vokshi dhe Enno Bozdos. Kjo sepse sipas tij, kanë manipuluar votat në procesin zgjedhor për garën brenda partisë në garën e 13 qershorit dhe 17 korrikut 2021.
"Rithemelimi po i afron modelit Basha. Kërkoj dakordësi nga kandidati tjetër që të largohet nga Komisioni Zgjedhor të Albana Vokshi dhe Enno Bozdo si persona të implikuar në procesin e manipulimit të votave në zgjedhjet e 13 qershorit dhe 17 korrikut 2021, jo vetëm si garanci e procesit, por edhe imazhin e PD. Shtyrjen me 14 ditë zgjedhjet, do duhet 7 takime çdo ditë. Zhvillimin e takimeve të përbashkëta me debat publik para anëtarësisë siç u premtua nga kandidati në Foltore. Shifrat e votimit kalonin mbi 100% që tregon se ai proces ka qenë i manipuluar, me dhjetëra raste ku anëtarët votoni 3-4 herë", tha Elezi.
Nga selia blu Ibsen Elezi zbuloi 2 shtyllat ku do të mbështetet platforma e tij.
"Do paraqesë një platformë të thjeshtë dhe konkluduese që do ta çonte PD në ringritje dhe daljen nga kriza e varfërisë dhe shpopullimit të vendit. Platforma ime do të mbështetet në 2 kolona, në zgjerimin e PD dhe kthimin e saj te vlerat konservatore, hapja e një debati me kontributorë në vite dhe me të gjithë shtresat shoqërore, duke rikthyer besimin që kanë humbur ndër vite. vendosja e standardeve për karrierë, duke eliminuar servilizmin dhe kacavjerrjen që ka pllakosur në PD ndër vite, shtrirja e përfaqësimit territorial, hapja ndaj figurave publike akademike të djathta të afirmuar në veprimtarinë e tyre, kthimi të parimi konservatore lidhet me mbështetjen e vlerave tradicionale, ndërtimi i një lidershipi të qëndrueshëm që bënë çfarë thonë. Modeli konservator si e vetmja rrugë që nga një shoqëri e hallakatur të kthehen në një shoqëri të mbledhur rreth vlerave morale, është vetmja rrugë që e çon PD në fitore", përfundoi Elezi.
Ndonëse nuk e cilësoi si një garë të barabartë, ai iu drejtua demokratëve thirrjen për ta mbështetur, pasi tha se "së bashku mund t'ia dalim". Sali Berisha dhe Ibsen Elezi janë dy kandidatët për kryetar të Partisë Demokratike, në zgjedhjet që do të zhvillohen në 22 maj, të shpallur zyrtarisht nga Komisioni i Rithemelimit.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
