POP 5

Lajmet më të lexuara të 5 minutave të fundit

Sport

Eliminimi i Interit, asnjë ekip italian në 8 më të mirat e Europës! Të premten shorti i Championsit, caktohet rruga deri në finale

Interi, skuadra që po mrekullon në Itali nënkampionia e Europës në fuqi, është eliminuar që në 1/8 e Champions League këtë sezon.

Ajo që s’pritej ndodhi. Ndeshja e parë e humbur në vitin 2024 i ka shkaktuar Interit eliminimin nga Champions League. Zikaltërit nuk i rezistuan dot Atletico Madrid në Spanjë, duke humbur 2-1 në kohën e rregullt dhe duke përshëndetuar kompeticionin më të rëndësishëm europian te penalltitë.

Për më tepër ishin italianët ata të cilët realizuan të parët në Metropolitani me Di Marcon. Goli i anësorit krijoi përshtypjen e një kualifikimi në një kohë kur Interi kishte fituar 1-0 ndeshjen e parë në Milano.

Megjithatë avantazhi zgjati vetëm pak sekonda, pasi Griezman finalizoi në gabimin e parë në mbrojtje. Francezi nuk fali pas një rrëmuje në zonë, duke ngritur peshë zemrat e madrilenëve. Nga ky moment Interi u përpoq të administronte, por në minutën e 87 Depay realizoi një nga golat më të rëndësishëm këtë sezon për Atleticon, duke e dërguar ndeshjen fillimisht në shtesë dhe më pas te penalltitë.

Te 11-metërshat spanjollët u treguan më të saktë, pasi italianët fillimisht gabuan me Sanchez dhe më pas me Klasën, ndërsa në fund vulosi goditja për t’u harruar e Lautaros. Me këtë eliminim nuk mbetet më asnjë skuadër italiane në Champions, ndërsa tre spanjolle shkojnë në çerekfinale.

Biletën tek 8 më të mirat e preu edhe Dortmund, që mposhti 2-0 PSV-në në Gjermani. Kjo në një kohë kur ndeshja e parë në Holandë ishte mbyllur 1-0. Megjithatë ndeshje e kthimit ishte e hapur deri në minutat e fundit, kur Dortmund në të 95 realizoi golin e dytë me Reus.

Të premten në orën 12:00 do të mbahet edhe shorti i çerekfinaleve të Champions League, që do jetë edhe i fundit për këtë sezon, pasi do përcaktojë rrugën deri në finale.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Raporti: Kina dhe Izraeli kryesojnë vendet që burgosin gazetarët

Raporti: Kina dhe Izraeli kryesojnë vendet që burgosin gazetarët

22 Janar, 20:10