Elon Musk kërcënohet me jetë? Pronari i 'Twitter': Ndihem i rrezikuar, kanë planifikuar vrasjen time

Elon Musk kërcënohet me jetë? Pronari i 'Twitter': Ndihem i rrezikuar, kanë planifikuar vrasjen time

Elon Musk

Pronari i ri i platformës “Tëitter”, Elon Musk pretendon se është kërcënuar  me jetë dhe këtë e ka thënë ai vetë përmes postimeve. Musk pretendoi se dikush ka planifikuar për ta vrarë atë dhe tha se nuk do lëvizste më me makinën e tij pasi ndihet i frikësuar. Në një bisedë me audio që zgjati prej rreth dy-orësh në Tëitter Spaces, ai deklaroi se kohët e fundit, ka marrë masa për sigurinë e tij.

“Rreziku që të më ndodhë diçka e keqe, apo të qëllohem (vritem), ka shumë probabilitet. Nuk është aq e vështirë të vrasësh dikë nëse do, kështu që shpresojmë se nuk do ta bëjnë dhe kjo nuk ndodh… Ka padyshim një rrezik të madh atje”, është shprehur pronari i Space X.

Po ashtu, ai foli për rëndësinë e fjalës së lirë dhe planin e tij të ardhshëm për Tëitter-in.

“Në fund të ditës, ne thjesht duam të kemi një të ardhme ku nuk jemi të shtypur, ku mund të themi atë që duam të themi pa frikë nga hakmarrja”, tha Elon Musk.

Miliarderi i teknologjisë deklaroi gjithashtu se gjatë historisë, liria e fjalës ka qenë “shumë e pazakontë, jo e zakonshme. Kështu që ne duhet të luftojmë shumë për ta mbajtur atë sepse është një gjë kaq e rrallë dhe nuk është aspak diçka e paracaktuar”. Diskutimi I tij në “Tëitter Spaces” erdhi një ditë pasi gazetari Matt Taibbi me drejtimin e Musk, publikoi komunikime të brendshme mes drejtuesve më të lartë të Tëitter-it para se kompania të blihej nga CEO i Tesla-s, duke treguar se si platforma kishte pezulluar dhe censuruar përdoruesit që komentuan historinë e laptopit të Hunter Biden, djalit të Joe Biden.

Musk pretendoi se dosjet tregojnë se si Tëitter “po vepronte si një krah” i Partisë Demokratike në prag të zgjedhjeve presidenciale të vitit 2020, duke ndërhyrë drejtpërdrejtë në sistemin zgjedhor.

Ai gjithashtu tha se do të publikonte edhe më shumë dosje në të ardhmen e afërt dhe tha se, “Ne thjesht do të vendosim të gjithë informacionin para jush dhe do të përpiqemi të nisim në një faqe të pastër, do të jemi vazhdimisht më të mirë dhe do të detyrojmë kompanitë e tjera të medias që gjithashtu të jenë më shumë në krah të së vërtetës ose përndryshe do të humbasin ndjekësit dhe lexuesit e tyre”.

F.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nedim Bajrami objektivi i klubit surprizë të Serie A, drejtori e ndjek në stadium

Nedim Bajrami objektivi i klubit surprizë të Serie A, drejtori e ndjek në stadium