POP 5

Lajmet më të lexuara të 5 minutave të fundit

Bota

Elon Musk shet një pjesë të madhe të aksioneve të Tesla-s, thotë se i duhen paratë për blerjen e Twitter-it

Themeluesi i Tesla-s, Elon Musk shiti 7.92 milionë aksione të kompanisë që prodhon makina elektrike, me vlerë rreth 6.88 miliardë dollarë.

Elon Musk shet një pjesë të madhe të aksioneve të Tesla-s, thotë se i duhen paratë për blerjen e Twitter-it

Elon Musk

Themeluesi i Tesla-s, Elon Musk shiti 7.92 milionë aksione të kompanisë që prodhon makina elektrike, me vlerë rreth 6.88 miliardë dollarë. Shitjet u zhvilluan pas mbledhjes vjetore të aksionerëve të firmës javën e kaluar.

Musk thotë se i duhen paratë në rast se detyrohet të blejë Twitter-in për 44 miliardë dollarë. Multimiliarderi aktualisht është përfshirë në një betejë ligjore me platformën e mediave sociale, pasi tha muajin e kaluar se do të tërhiqej marrëveshja për ta blerë atë. Këtë e konfirmoi vetë Musk, në një postim në Twitter.

Transaksionet e fundit janë kryer në datat 5, 8 dhe 9 gusht, sipas dosjeve në Komisionin e Letrave me Vlerë dhe Shkëmbim të SHBA-së.

 “Është e rëndësishme të shmanget shitja emergjente e aksioneve të Tesla-s”, tha ai.

I pyetur nga një përdorues tjetër nëse ai do të blinte sërish aksione të Tesla-s nëse nuk e blen përfundimisht Twitter-in, Musk u përgjigj me "po".

Në korrik, Musk tha se po planifikonte të largohej nga oferta e tij për të blerë Twitter-in, duke bërë që kompania ta padiste atë. Personi më i pasur në botë, nga ana tjetër, ka akuzuar kompaninë për fshehje të informacionit rreth llogarive të rreme.

Muajin e kaluar, një gjykatës amerikan vendosi që padia e Twitter-it kundër Musk duhet të shkojë në gjyq në tetor. Twitter-i shpreson se gjykata do të detyrojë Musk që të përfundojë blerjen me çmimin e rënë dakord prej 54.20 dollarë për aksion.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19