POP 5

Lajmet më të lexuara të 5 minutave të fundit

Bota

Elon Musk vendos kushte të reja për blerjen e Twitter-it

Miliarderi Elon Musk ka thënë të martën se oferta e tij prej 44 miliardë dollarësh për blerjen e rrjetit social, Twitter, nuk do të finalizohet nëse nuk vërtetohet se llogaritë fiktive përbëjnë pesë për qind të llogarive totale në këtë platformë.

Elon Musk vendos kushte të reja për blerjen e Twitter-it

Elon Musk

Miliarderi Elon Musk ka thënë të martën se oferta e tij prej 44 miliardë dollarësh për blerjen e rrjetit social, Twitter, nuk do të finalizohet nëse nuk vërtetohet se llogaritë fiktive përbëjnë pesë për qind të llogarive totale në këtë platformë.

“Oferta ime ka qenë duke besuar se regjistrimet e Twitterit kanë qenë të sakta. Dje, shefi ekzekutiv i Twitter-it ka refuzuar të tregojë fakte se nën pesë për qind e llogarive janë fiktive. Kjo marrëveshje nuk mund të finalizohet derisa ai të bëjë këtë gjë”, ka thënë Musk përmes një postimi në Twitter.

Pas pezullimit të ofertës për afat të shkurtër kohor, Musk ka thënë se dyshon që llogaritë fiktive në këtë rrjet social përbëjnë 20 për qind të totalit të përdoruesve, në krahasim me pretendimet e Twitter-it për pesë për qind.

“Ju nuk mund të paguani shumën e njëjtë për diçka që është shumë më e keqe sesa është pretenduar”, ka thënë ai në një samit në Majami më 16 maj.

I pyetur nëse marrëveshja mund të arrihet me një çmim tjetër, Musk ka thënë në konferencë se nuk përjashton asgjë.

“Sa më shumë pyetje që bëj, aq më shumë më rriten shqetësimet”.

“Ata pretendojnë se kanë metodologji komplekse që vetëm ata e kuptojnë. Nuk mund të jetë aq e mistershme, më kompekse se shpirti e qenia e njeriut apo diçka e ngjashme”.

Shefi ekzekutiv i kompanisë Twitter, Parag Agrawal, ka thënë të hënën se vlerësimet e brendshme për llogaritë fiktive në katër çerekët e fundit, flasin për llogari të tilla nën pesë për qind.

Megjithatë, ai ka thënë se raportet nuk mund të nxirren në publik, pasi për të verifikuar nëse një llogari është e fiktive, nevojiten informacione publike dhe private.

Musk nuk është pajtuar me këtë deklaratë.

“Si e dinë atëherë reklamuesit se çfarë po marrin në kthim për paratë e tyre? Kjo gjë është thelbësore për shëndetin financiar të Twitter-it”, ka thënë ai.

Aktualisht, Elon Musk është njeriu më i pasur në botë, me një pasuri prej më shumë se 269 miliardë dollarësh, sipas revistës Forbes./REL 

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19