Emërohen Dekanët e rinj në Universitetin e Tiranës, ja kush merr drejtimin në 8 fakultete

Universiteti i Tiranës në një njoftim të bërë në Facebook, ka bërë me dije se janë emëruar dekanët e rinj.

Në sallën e Senatit Akademik të Rektoratit u zhvillua ceremonia e emërimit të Drejtueseve të rinj të Njësive Kryesore në Universitetin e Tiranës.

Në fjalën e tij, Rektori i UT-së Prof. Dr. Artan Hoxha, përshëndeti Dekanët të cilët përfunduan mandatin e tyre të dytë dhe i falënderoi ata për bashkëpunimin, arritjet e tyre si drejtues dhe kontributin që kanë dhënë për përmirësimin e cilësisë së arsimit të lartë.

Gjithashtu Hoxha i uroi suksese Dekanëve të rikonfirmuar dhe atyre të rinj si dhe i ftoi ata që të vazhdojnë frymën e bashkëpunimit të trashëguar nga paraardhësit e tyre pasi ky 4-vjeçar do të jetë edhe më i vështirë e plot sfida.

“Falë përkushtimit, cilësisë së lidershipit në të gjitha njësitë përbërëse, si dhe kulturës së të punuarit së bashku, Universiteti i Tiranës është lider jo sepse ka emrin por sepse ka përmbajtjen për të përballuar sfidat që ky të jetë një 4-vjeçar i suksesshëm”, thuhet në njoftim.

Emrat e Dekanëve të rinj në Universitetin e Tiranës

Fakulteti i Ekonomisë do të drejtohet nga Prof. Asoc. Dr. Bernard Dosti.

Fakulteti i Gjuhëve të Huaja nga Prof. Dr. Esmeralda Kromidha.

Fakulteti i Drejtësisë nga Prof. Dr. Dorina Hoxha.

Fakulteti i Historisë dhe Filologjisë nga Prof. Dr. Mark Marku.

Fakulteti i Shkencave të Natyrës nga Prof. Dr. Eglantina Kalluçi.

Fakulteti i Shkencave Sociale nga Prof. Asoc. Dr. Edvin Lame.

Instituti i Fizikes Bërthamore të Zbatuar nga Prof. Asoc. Brunilda Daci

Instituti i Studimeve Evropiane nga Prof. Dr. Aljula Jubani.

SI.E./Shqiptarja.com

TAG:
• universiteti i tiranes
• Artan Hoxha
• Bernard Dosti
• Esmeralda Kromidha
• Dorina Hoxha
• Mark Marku
• Eglantina Kalluci
• Edvin Lame
• Brunilda Daci
• Aljula Jubani
• Tirane